Bakı metrosunda ölüm

“Koroğlu” stansiyasında 62 yaşlı kişinin halı qəfil pisləşib
Bu gün səhər saat 08:20 radələrində “Koroğlu” stansiyasında platformada dayanan sərnişinlərdən birinin vəziyyəti qəflətən pisləşib.

Metropolitenin mətbuat xidmətindən ANS PRESS-ə verilən m'lumata görə, vəziyyəti pisləşən şəxs 1953-cü il təvəllüdlü Nazim Ağakərim oğlu Seyidbəyli olub. Dərhal hadisə yerinə təcili yardım çağırılıb. Lakin həkimlər gələnə qədər Nazim Seyidbəyli dünyasını dəyişib.

***09.48

Bu gün səhər saat 08:00 radələrində Bakı Metropolitenində ölüm halı baş verib. Hadisə şahidlərinin ANS PRESS-ə verdikləri məlumata görə, metronun “Koroğlu” stansiyasında qatarda 62 yaşlı kişinin halı qəfil pisləşib.

Dərhal onu platformaya çıxarıblar. Kişinin halı getdikcə pisləşdiyindən hadisə yerinə təcili yardım həkimləri çağırılıb.

Təcili yardım hadisə yerinə çatana qədər kişi dünyasını dəyişib. Hadisə insanların gözü qarşısında baş verib.

İlkin ehtimala görə, kişi ürək çatışmazlığından ölüb.

Hazırda dünyasını dəyişən şəxsin kimliyi araşdırılır.