Benzinlə bağlı rəsmi açıqlama

Azərbaycan Dövlət Neft Şirkəti bununla bağlı rəsmi məlumat yaydı
ARDNŞ “Super” və “Premium” markalı yanacaqların pərakəndə satış qiyməti ilə bağlı məlumat yayıb.

ANS PRESS-in şirkətin saytına istinadən verdiyi məlumata görə, son dövrdə dünya bazarlarında xam neftin və neft məhsullarının qiymətlərinin aşağı düşməsi ilə əlaqədar ARDNŞ tərəfindən “Super” və “Premium” markalı yanacaqların pərakəndə satış qiymətinə yenidən baxılıb və 13 yanvar 2015-ci il tarixindən həmin yanacaq növlərinin 1 litrinin pərakəndə satış qiyməti, müvafiq olaraq, “Super” üçün 1 manat 7 qəpikdən 1 manat 5 qəpiyə, “Premium” üçün isə 95 qəpikdən 93 qəpiyə endirilib.

"Azərbaycan Respublikasının Vergi Məcəlləsində dəyişikliklər edilməsi haqqında" Azərbaycan Respublikasının Qanununa əsasən, yanacağın hər litrinin qiymətinə 2 qəpik yol vergisi əlavə edilib, 13 yanvar 2015-ci il tarixindən “Super” markalı yanacağın 1 litrinin pərakəndə satış qiyməti 1 manat 7 qəpik, “Premium” markalı yanacağın 1 litrinin pərakəndə satış qiyməti isə 95 qəpik olaraq müəyyən edilib.