Dünyanın taleyini həll edən Minsk görüşü - Video/Canlı yayım

Ukrayna Prezidenti Pyotr Poroşenko, Almaniya kansleri Angela Merkel, Fransa Prezidenti Fransua Olland və Rusiya Prezidenti Vladimir Putin arasında Minsk görüşü başlamaq üzrədir. Axar.az xəbər verir ki, Normandiya formatında keçiriləcək görüşlə bağlı Belarus tərəfi bütün hazırlıqları tamamlayıb. Poroşenko görüş öncəsi açıqlamasında bu günün Ukrayna tarixində ən əhəmiyyətli gün ola biləcəyini vurğulayıb: "Sizi inandıra bilərəm ki, Ukrayna və Avropa Birliyi Minsk sammitində vahid mövqedən çıxış edəcək. Biz bir səslə danışacağıq. Bizə lazımdır ki, hər hansı tələb olmadan atəş dayandırılsın". Qeyd edək ki, Putin həmişəki kimi görüşə hamıdan sonra gəlib. 23:02 Belarusun paytaxtı Minskdə Almaniya kansleri Angela Merkel, Fransa Prezidenti Fransua Olland, Ukrayna Prezidenti Pyotr Poroşenko və Rusiya Prezidenti Vladimir Putin arasında Donetsk böhranı ilə bağlı keçirilən görüş davam edir.