Öcalandan şok qərar: “Silahı yerə qoyun”

PKK lideri Abdullah Öcalan Türkiyədə silahlı mübarizənin bitdiyini elan edib.

Axar.az xəbər verir ki, Öcalan bu barədə İmralı həbsxanasında onu ziyarətə gələn Xalqların Demokratik Partiyasının (HDP) nümayəndələrinə bildirib. O, artıq siyasi mübarizənin başladığını elan edib:

“Türkiyədə silahlı mübarizə bitdi. 2013-ci ilin martında bildirdiyim kimi, artıq siyasi mübarizə dövrü başlayıb. Silahlı mübarizənin bitməsi ilə bağlı çağırışımızın həyata keçməsi üçün PKK təcili toplanıb, tərksilah qərarını verməlidir”.

Öcalanın bu çağırışından sonra PKK tərksilah qərarı versə, terror təşkilatının Türkiyədəki bütün qüvvələri ölkədən çıxacaq.

Həmçinin razılaşma əldə olunsa, hökumət və HDP bir neçə gün ərzində məsələ ilə bağlı ictimaiyyətə rəsmi açıqlama verəcək.