Kopenhagen 2-ci dəfə silkələndi: ölən var (CANLI YAYIM, FOTO)

[media=https://www.youtube.com/watch?v=VYlQJbsVs48]


Danimarkanın paytaxtı Kopenhagendə sinaqoqda atışma zamanı 1 nəfər həyatını itirib iki polis isə güllə yarası alıb.

ANS PRESS-in məlumatına görə, bu barədə xəbəri "Sky News" yayıb.

Atəş açmaqda şübhəli bilinən isə hadisə yerindən qaçmağa macal tapıb.

Hadisə yerinə ordu qüvvələrinin cəlb edildiyi deyilir.

Son baş verənlərlə əlaqədar olaraq Kopenhagen polisi təhlükəsizlik naminə insanlara evlərini tərk etməməyi tövsiyyə edir. Bu barədə yerli hüquq mühafizəçilərinin tvitter səhifəsində qeyd edilir. Şəhərdə şübhəlinin tutulması ilə əlaqədar olaraq genişmiqyaslı əməliyyata start verilib.

Qeyd edək ki, bu hadisədən bir neçə saat əvvəl daha bir terror aktı həyata keçirilmişdi. Hadisələrin bir-biri ilə əlaqəsi müəyyənləşdirilir.