100 minlik təklifi qəbul edən tapılmadı - Bakıda

Bakıda 100 minlik təklifi qəbul edən tapılmayıb. Lent.az-ın azvison.az-a istinadən məlumatına görə, 14 fevral - sevgililər günü ərəfəsində Bakının məşhur otellərindən biri gözlənilməz təkliflə çıxış etmişdi.

Otel Bakıda Qız Qalasında iki nəfər üçün romantik şam yeməyi planlaşdırırdı. Xidmətin qiyməti isə nə az, nə çox, 100 min manat təşkil edirdi. Belə bir qiyməti doğrultmaq üçün otel müştərilərinə əlavə xidmətlər də təklif edirdi.

Unikal təklifə baxmayaraq, Azərbaycanda heç kim 100 min manatından keçib, sevgilisinə unudulmaz anlar yaşatmaq istəməyib.

Sözügedən otelden bildirilib ki, 100 minlik paketi heç kim almayıb: “Təəssüf ki, Sevgililər günü üçün təşkil olunmuş 100 minlik paket bir günlük nəzərdə tutulmuşdu. Lakin 14 fevralda heç kim həmin paketi almadı. Yəni 100 minlik Sevgililər günü paketi satılmamış qaldı”-deyə otelin nümayəndəsi bildirib