İŞİD-in yeni maliyyə mənbəyi

İŞİD terror təşkilatı ilə bağlı yeni iddiaya ortaya atılıb.

ANS PRESS-in məlumatına görə, terror təşkilatının əsas maliyyə mənbəyinin neft yataqları olmadığı bildirilir. İddiaya görə, İŞİD orqan ticarəti ilə məğuldur.

İraqın BMT-dəki nümayəndəsi İŞİD-in maliyyələşmək üçün orqan ticarətindən istifadə etdiyini güman edir. Məhəmməd Elhakim BMT Təhlükəsizlik Şurasında çıxışı zamanı qeyd edib ki, toplu məzarlarda tibbi müdaxilə ilə orqanları çıxarılmış cəsədlərə rast gəlinib. Elhakim bu məsələnin araşdırılmasının vacibliyini vurğulayıb.

Qeyd edək ki, İraqda son bir ayda terror hadisələri və qarşıdurmalar nəticəsində 790 insan ölüb, yüzlərlə insan isə yaralanıb.
Mənbə
ANS PRESS