Paşa ləqəbli məşhur avtoritetə ağır cəza (VİDEO, FOTO)

Rusiyanın Krasnoyarsk məhkəməsi Paşa Svetomuzıka ləqəbli məşhur kriminal avtoritet Vilor Struqanovu 9 il müddətinə azadlıqdan məhrum edib.


ANS PRESS-in məlumatına görə, kriminal avtoritet cəzasını ciddi rejimli koloniyada çəkəcək. Məhkəmədə dövlət ittihamçısı Struqanovu 25 il azadlıqdan məhrum etməyi xahiş edib.

Struqanovanın iki şəriki Vladimir Oşarov və İqor Yelovski müvafiq olaraq 8 və 10 il cəza alıblar. Onların hamısı 1990-cı illərdə beş nəfərin qətlində günahkar hesab olunurlar.

Struqanov keçən il martın sonunda Moskvada həbs edilib. Daha əvvəl o qətllərin törədilməsində şübhəli kimi beynəlxalq axtarışa verilmişdi.

2004-cü ilin iyununda Krasnoyarsk məhkəməsi Krasnoyarskda iki partlayış törətdiyi üçün Struqanovu 9 il həbs cəzasına məhkum etmişdi. Struqanov 2011-ci ildə azad olunmuşdu.
[media=https://www.youtube.com/watch?v=vnugZFvuxFo]