ŞOK OLAY: 48 yaşlı kişini seks videosu ilə şantaj etdilər

Azərbaycanda cinsi azlıq nümayəndəsi olan şəxs şantaj edilməsi ilə bağlı hüquq-mühafizə orqanlarına müraciət edib. Lent.az-ın məlumatına görə, 48 yaşlı Fikrət Əlirzayev (bütün ad və soyadlar şərtidir) şikayət ərizəsində qeyd edib ki, tanışı, 23 yaşlı Elgün Musayev onu şantaj edir.

Müraciətdən məlum olur ki, F.Əliyevlə E.Musayev bir müddət əvvəl qeyri-təbii yolla cinsi əlaqədə olublar. Gənc oğlan bunu videoya çəkib və daha sonra tanışını şantaj edərək ondan pul alıb. O, əvvəlcə F.Əliyevdən 2700 manat alıb. Lakin E.Musayev bununla kifayətlənməyib və bu günlərdə növbəti dəfə F.Əliyevi təhdid edərək pul istəyib.

Araşdırmalarla müəyyən edilib ki, E.Musayev Kürdəmir sakinidir və o, polis şöbəsinə dəvət edilib. Ondan şantaj materialı kimi istifadə etdiyi video götürülüb.

Faktla bağlı Cinayət Məcəlləsinin “hədə-qorxu ilə tələb etmə” maddəsi ilə cinayət işi başlanılıb. E.Musayev həbs edilib.

O da məlum olub ki, E.Musayevin atası F.Əliyevlə yaxın dostdurlar.

Araşdırmalar davam etdirilir.