Pələnglər durna ilə bacarmadı- VİDEO

Çinin Şərqindəki heyvanxanalardan birində baş verən qəribə olay hər kəsin marağına səbəb olub.

Təsadüfən pələnglərin qəfəsinə düşən durna sonadək mübarizə aparıb və bu mübarizədən qalib ayrılıb.

Fu Yanq heyvanxanasına gələn yüzlərlə ziyarətçilər isə pələnglərlə durna arasında olan bu ölüm-qalım səhnəsini izləmək üçün onların qəfəsinin ətrafına toplaşıb.

Qanadları ilə pələngləri yaxınlaşmağa qoymayan durna dimdiyi ilə onlara zərbə endirib. Həmin vaxt qəfəsdə 4 pələng olsa da , onlardan sadəcə 2-i durnaya tamah salıb. Amma özünü asanlıqla bu yırtıcılara yem etməyən quş sonadək onların pəncəsindən yayınıb.

Müdaxilə etməkdə gecikməyən heyvanxana işçiləri durnanı ölümdən, pələngləri isə, necə deyərlər, bu utancdan xilas edib.[media=https://www.youtube.com/watch?v=WnZf7t1ICVk]