Azərbaycanlıların toy karvanı Moskvada yolu bağladı — VİDEO

[media=https://www.youtube.com/watch?v=icV-i6LnsUU]
Rusiyanın paytaxtı Moskvada azərbaycanlıların toy karvanı yolu bağlayıb.

Mayın 23-də Varşava magistralında azərbaycanlılara məxsus toy karvanının maşınları yol getdiyi zaman qəfildən hərəkəti dayandırıb.

Həmin karvana aid olan avtomobillərdən birindəki şəxs isə bunu videoya çəkərək sosial şəbəkədə paylaşıb.

Kadrlardan da görünür ki, ümumilikdə 5 maşın körpüyə girəndə yolu qəsdən kəsiblər. Onlardan ikisinin üzərində Azərbaycan bayrağı olub. Dayanan maşınların içindən çıxan adamlar bəylə gəlini təbrik ediblər.

Yoldakı bu durğunluq cəmi 30 saniyə davam etsə də magistral yolda sıxlıq yaranmasına səbəb olub.