Tələbə qızı zorlayanlar: “Dostumuzun xoşbəxtliyini əlindən aldı, biz də ona dərs verdik”

Türkiyədə gənc qız 4 yeniyetmə oğlan tərəfindən zorlanıb. ANS PRESS-in məlumatına görə, tələbə qız sevdiyi oğlanın dostları tərəfindən təcavüzə uğrayıb.

Oğlanlar gənc qızı maşına mindiriblər. Onu kimsəsiz əraziyə aparıblar və orada zorlayıblar. Qızı zorlayan zaman oğlanlardan biri onu kameraya çəkib. Sonradan qıza hədə-qorxu gəliblər ki, bu barədə kiməsə desə, çəkilən video sosial şəbəkələrdə və videoportallarda yayılacaq.

Gənc qız hadisədən sonra polisə şikayət edib. Araşdırmalar zamanı qızı zorlayan oğlanlardan üçünün 18 yaşdan kiçik olduğu məlum olub. Qızı zorlayanlar saxlanılıblar. Onlar bildiriblər ki, həmin xanım onların dostunun sevgilisi olub. Lakin sonradan qız onu atıb. Bu səbəbdən də oğlanlar dostlarının intiqamını almaq məqsədilə qıza təcavüz ediblər.

“Dostumuza çox pis zərbə vurdu. Ona kədərli anlar yaşatdı. Dostumuzun xoşbəxtliyini əlindən aldı, biz də ona dərs verdik”, - deyə qızı zorlayanlar bildiriblər.