İsa Qəmbər "arayış qalmaqalı"ndan yazdı - "Kim??? Kimlər???"

Müsavat Partiyasının sabiq başqanı, Milli Strateji Düçüncə Mərkəzinin sədri İsa Qəmbər partiyanın adı ətrafında yaranmış qalmaqalla bağlı sosial şəbəkədə statusla çıxış edib. Müsahibə verərək Müsavat Partiyasını siyasi mühacir statusu almaq istəyənlərə pul müqabilində arayış verməkdə ittiham edən şəxsin - Elnur Mirzəyevin açıqlamasına toxunan İsa Qəmbər yazıb:

"Yazıda ən çox diqqətimi çəkən Elnur Mirzəyevin bu sözləri oldu: "Və məni partiyaya apardılar, orda qapıda gözlədim. Sonra da mənə bildirildi ki, məsələ bir-iki günə həll olunacaq. Dedikləri kimi də oldu. İki gündən sonra mənə zəng gəldi ki, hazırdı. Və mənə bilet, Müsavatın nizamnaməsi, himni və strukturları haqda bir qovluq verdilər. "...apardılar, ...bildirildi, ...zəng gəldi, ...qovluq verdilər...".
Kim??? Kimlər???
Bax Elnur Mirzəyev bunu da desə, saxta sənəd işbazlarının ifşasına böyük xidmət göstərmiş olar".

Musavat.com