Ermənilər Rusiyanı söyürlər... - Düşmən ölkə hətta Türkiyəyə belə yarınmağa hazırdır...

DİA.AZ: - Bu gün Ermənistandakı ictimai rəy hər kəs üşün maraqlıdır. Faktdır ki, Azərbaycan Ordusunun Qarabağdakı uğurlu əməliyyatları düşmən ölkəni təkcə canlı və hərbi itkilərə məruz qoymayıb. Bu gün Ermənistan ictimaiyyətinə də bir qorxu əhval-ruhiyyəsi hakim kəsilib. Eyni zamanda düşmənlərimiz dünənə qədər sığındıqları, arxalarında gizləndikləri Rusiyanı da söyməkdədirlər.

DİA.AZ tanınmış iqtisadçı İlham Şabanın düşmən ölkənin mediasnı izlədikdən sonra gəldiyi qənaətini oxucuların diqqətinə çatdırır: "Erməni saytlarına göz gəzdirirəm görüm kefləri necədir: Rusiyadan şikayət edirlər, deyirlər ruslar kimi naqlısı yoxdur, bizi necə də aldatdılar. Rusiya səfirliyi qarşısında sən demə etiraz yürüşü keçiriblərmiş. İndi təklif edirlər ki, daha böyük bir etiraz mitinqi etmək lazımdır ki, Moskva görsün ki, erməniləri tapdalamaq olmaz. İqtisadçıları da qoşulublar bu müzakirələrə və təkliflər səsləndiriblər ki, Rusiya hərbi bazalarına görə Moskvadan ildə 1 mlrd dollar İCARƏ Haqqı istəmək lazımdır, yoxsa bizimlə gələcəkdə daha pis davranacaqlar.

Ermənilər Rusiyanı söyürlər...

Digər qisimlər deyirlər ki, gəlin yavaş-yavaş Avropa institutları ilə əlaqələri möhkəmləndirək. Səslənən fikirlərdən birisi ZİLƏ qalxma idi: Rusiya Azərbaycana Qarabağ ətrafı rayonları boşaltmağı söz verib, ancaq bunu elə edəcək ki, ermənilər daha çox qırılsın və hamılıqla Moskvadan yalvaraq ki, amandı bizi türklərdən qurtar. O, isə həm bizi qurtaracaq, həm də Azərbaycanı öz təşkilatlarına üzv qəbul etdirəcək. Bundan sonra biz ermənilər heç nə edə bilməyəcəyik. Ona görə də Azərbaycanın Rusiya ilə inteqrasiyasından istifadə edib Türkiyə ilə əlaqələr qurmalıyıq ki, dünyaya çıxışımız olsun.

Bir sözlə - əməlli-başlı DİLXOR olublar...

Bizdə vəziyyət Troyanski AT kimidir: camaat Rusiyanı hər yerdə söyür"...