Facebook videolarda sizi tanıyacaq

«Facebook» fotolarda olduğu kimi, videolarda da üzləri tanıyacaq.

Uzun zamandır süni intellekt layihələri üzərində çalışan «Facebook» bunun bəhrəsini görməyə başlayır. «F8» konfransında sosial şəbəkə daha bir yeniliyini diqqətə yetirib – indən belə videolara da üztanıma özəlliyi artırılacaq. Necə? Videodakı şəxslərin avtomatik işarələnməsi yolu ilə. Bu özəllik istifadəçilərin videolarda istər özlərini, istərsə dostlarını asanlıqla tapmasına imkan verəcək.

«Facebook» gələcəkdə videoda indeksləşmə də aparacaq. Tutalım, istifadəçi 4 dəqiqəlik videoda özünün bir neçə saniyəlik görüntüsünü axtarırsa və bu hissəni tapmaq vaxt aparırsa, «Facebook» həmin hissəni tapıb istifadəçiyə təqdim edəcək.


Sosial şəbəkə videolara insanların danışığı əsasında altyazı da hazırlayacaq.
azadliq.info