Bakıda qadının alt paltarından narkotik maddə götürüldü

Bakıda qadının həbsxanaya narkotik maddə keçirməsinin qarşısı alınıb.

Ədliyyə Nazirliyinin Penitensiar xidmətin mətbuat xidmətindən ANS PRESS-ə verilən məlumata görə, 7 saylı cəzaçəkmə müəssisəsində cəza çəkən, Azərbaycan Respublikası Cinayət Məcəlləsinin 204.1; 234.1 və 66.3 maddələrinə əsasən azadlıqdan məhrum edilmiş məhkum Cavidan Əhmədağa oğlu İbişovun yanına qısamüddətli görüşə gəlmiş vətəndaş Kəmalə Həsənağa qızı Heydərovanın üzərinə baxış keçirilən zaman alt paltarında gizlətdiyi içərisində 37 (otuz yeddi) ədəd olan sellofana bükülmüş “Tramadol” dərman həbləri aşkar edilərək götürülüb.

Fakt üzrə araşdırma aparılır.