Kriminal Bakı

Bakıda 54 yaşlı kişi güllələnərək qətlə yetirilib
Bakıda qətl hadisəsi baş verib.
Qaradağ Rayon Polis İdarəsindən APA-ya verilən məlumata görə, hadisə Sahil qəsəbəsində “Sahil” parkının qarşısında qeydə alınıb.
Bakı şəhər sakini, 1960-cı il təvəllüdlü Şaban Məmməd oğlu Nəbiyev naməlum şəxs və ya şəxslər tərəfindən “Vinçester” markalı odlu silahdan açılan bir neçə atəş nəticəsində qətlə yetirilib.
Hadisənin qisas zəminində törədildiyi ehtimal edilir.
Hazırda polis hadisəni törədən şəxsin və ya şəxslərin müəyyən edilərək tapılması istiqamətində iş aparır.
****

Maştağada 22 yaşlı gənc bıçaqlanıb
Sabunçu rayonu Maştağa qəsəbəsində bıçaqlanma hadisəsi qeydə alınıb.
Sabunçu Rayon Polis İdarəsindən Trend-ə verilən məlumata görə, sentyabrın 3-də saat 1:00 radələrində Bakı şəhəri Sabunçu rayonu Maştağa qəsəbəsi Subtropik Sovxozu, 20 saylı evin qarşısında 1987-ci il təvəllüdlü Hacıağayev Namiq Rəhim oğlu ilə 1992-ci il təvəllüdlü İsayev Natiq Qəhrəman oğlu arasında şəxsi münasibətlərin pozulması nəticəsində mübahisə baş verib.
Mübahisə zamanı Namiq Hacıağayev Natiq İsayevə bıçaqla xəsarət yetirib. Yaralı xəstəxanaya yerləşdirilib.

Sabunçu rayon Prokurorluğundan Trend-ə bildiriblər ki, faktla bağlı Cinayət Məcəlləsinin 29-cu (Cinayət etməyə cəhd) və 120.1-ci (Qəsdən adam öldürmə, yəni digər şəxsi qəsdən həyatdan məhrum etmə) maddəsi ilə cinayət işi açılıb, araşdırma aparılır.