Lerikdə meşələrin qırılması ilə bağlı məlumat yaymışdıq. Rayon sakinlərinin bildirməsinə görə, meşələr ildən-ilə tükənir. Məsələ ilə bağlı Daxili İşlər Nazirliyinin Mətbuat Xidmətinin Lənkəran regional qrupundan Anaxeber.info-ya bildirilib ki, meşələrin mühafizəsi, ağacların qanunsuz kəsilməsi və daşınması hallarına qarşı polis əməkdaşları tərəfindən mübarizə tədbirləri həyata keçirilir. Sözügedən hallarla bağlı Lerik rayon Polis Şöbəsinin əməkdaşları tərəfindən təkcə son 1 ay ərzində 10 fakt aşkarlanıb və aşkarlanan faktların hər biri ilə bağlı qanunamüvafiq qaydada tədbirlərin görülməsi təmin edilib. Bu istiqamətdə intensiv mübarizə tədbirləri davam etdirilir.
Anaxeber.info