Qusarda başqası ilə qaçan gəlindən son xəbər

Qusarın Hiloba kəndində itkin düşən 21 yaşlı gəlin haqda yeni məlumat var.

Axar.az-a daxil olan xəbərdə Güləsər Malik qızı Səlimovanın ərinin polisə müraciət etdiyi bildirilir. Həyat yoldaşı G.Səlimovanın tanışı ilə qaçmasından şübhələnir.

Hadisə yanvarın 1-dən 2-ə keçən gecə baş verib. Belə ki, həmin gün gəlin öz mobil nömrəsini ərinin telefonuna salaraq danışıb. Daha sonra nömrəsini bu telefondan çıxarıb. Bu tarixdən sonra o yoxa çıxıb.

Həyat yoldaşı telefonunu açanda naməlum nömrədən mesaj gəldiyini görüb. Mesajda isə “səni Çoban qəsəbəsinin kruqunda gözləyirəm” yazılıb.

Qeyd edək ki, Qusar rayonunda Çoban yaşayış qəsəbəsidir.