Əl Qaidə terrorçu qardaşlara 20 min avro veribmiş

Kuaşi qardaşları Parisdə “Şarli Hebdo” (“Charlie Hebdo”) jurnalına hücum etmək üçün Əl Qaidə terror təşkilatından 20 min avro alıb.

Axar.az xəbər verir ki, bu barədə ABŞ-ın “ABC nyus” nəşri Mərkəzi Kəşfiyyat İdarəsindəki (MKİ) mənbələrinə istinadən məlumat yayıb.

Qardaşların terror hadisəsi zamanı istifadə etdiyi “Kalaşnikov” markalı avtomatın 5 min avro-ya Brüsseldən alındığı bildirilib.

Qeyd edək ki, yanvarın 7-də Kuaşi qardaşları Parisdə “Şarli Hebdo” (“Charlie Hebdo”) jurnalına hücum edərək 12 nəfəri öldürüb, 20 nəfəri yaralayıb.