Vəhşicəsinə döyülən məktəbli qızın izlənmə - Videosu

[media=https://www.youtube.com/watch?v=aCDt1IIr04w]


Bakının Xətai rayonunda məktəbli qızın vəhşicəsinə döyülməsi ilə bağlı video yayılıb.

"ATVxəbər.az"ın məlumatına görə, yaxınlıqdakı ərzaq dükanın müşahidə kameralarının lentə aldığı görüntülərdə hadisənin saat 12:15-də baş verdiyi məlum olur. Şübhəli şəxs əvvəlcə qızı izləyir. Şagird binadan içəri daxil olduqdan sonra həmin şəxs də onun ardınca bloka girir. Daha sonra məktəbli qızı döyməkdə şübhəli bilinən şəxs binanı tərk edərək qaçır.

Qeyd edək ki, dünən günorta saatlarında orta məktəbin 10-cu sinif şagirdi olan yeniyetmə qız döyülərək tanınmaz hala salınıb.

Məktəbli dərsdən evə qayıdarkən arxasınca bir nəfər kişi düşüb. Təxminən 30-35 yaşlarında olan, qara gödəkçə geyinmiş şəxs qızı izləyərək yaşadığı Xətai rayonu, Zığ yolu, ev 36-ya gəlib. Qızın arxasınca liftə girən şəxs onun evin qapısını açmasını gözləyib. Qapını açan kimi içəri soxulan şəxs L.B.-ni döyməyə başlayıb. Yumruq-təpik zərbələri ilə xəsarət yetirilən məktəbli qan içərisində işdə olan anasına məlumat verib.

Artıq faktla bağlı cinayət işi başlanılıb və şübhəli şəxsin saxlanılması üçün əməliyyat tədbirləri həyata keçirilir.