18 yaşlı gənc dünya nəhənglərinə qan uddurdu

İngiltərə polisi “Maykrosoft”un (Microsoft) “Xbox Live” və “Soni”nin “PlayStation” şəbəkələrinə təşkil edilən kiber hücumlarla əlaqəsi olduğu üzə çıxan 18 yaşlı gənci həbs edib.

Axar.az xəbər verir ki, İngiltərə vətəndaşı olan bu gənc Liverpul şəhərində saxlanılıb.

Liverpul polisi əməliyyatın ABŞ Federal Təhqiqat Bürosu ilə birgə keçirildiyini bildirib.

Xatırladaq ki, 18 yaşlı yeniyetmə ötən Milad bayramında “Xbox Live” və “PlayStation” şəbəkələrinə kiber hücum təşkil etmişdi. Hücum nəticəsində 160 milyon insan əziyyət çəkib.