İspaniyada təyyarə qəzaya uğrayıb, ölənlər və yaralananlar var - YENİLƏNİB - FOTO

22:49

İspaniya ərazisində NATO-a məxsus F-16 Yunanıstan qırıcısı qəzaya uğrayıb.

Milli.Az axar.az-a istinadən xəbər verir ki, İspaniya Müdafiə Nazirliyinin mətbuat katibi 10 nəfərin öldüyünü, 13-nün yaralandığını bildirib. Qəza nəticəsində yanğın başlayıb. Təyyarənin söndürülməsi üçün yanğınsöndürənlər hadisə yerinə cəlb edilib.

Hadisə NATO-nun hərbi bazasında baş verib.

--------
21:24

İspaniyada Lyanos şəhəri yaxınlığındakı hərbi bazada Yunanıstana məxsus F-16 qırıcı təyyarəsi qəzaya uğrayıb.

APA-nın İTAR-TASS agentliyinə istinadən verdiyi xəbərə görə, pilotların ikisi də həlak olub.

Qırıcının yerə düşməsi nəticəsində 10 nəfər xəsarət alıb. Qeyd olunur ki, havaya qalxarkən pilot idarəetməni itirib və anqara çırpılıb. Hazırda İspaniya Hərbi-Hava Qüvvələrinin bazası polis tərəfindən mühasirəyə alınıb.

Milli.Az