Masazırda kafe partladı: yaralılar var

Daxili İşlər Nazirliyinin mətbuat xidmətindən verilən məlumata görə, hadisə Masazır qəsəbəsində baş verib.

Qəsəbə sakini Nicat Novruzova məxsus kafedə qaz balonunun sızması nəticəsində partlayış əmələ gəlib və yanğın başlayıb.

Nəticədə kafenin pəncərə şüşələri sınıb. Hadisə kafedə təmir işləri aparılarkən olub.

Yanğın zamanı iki nəfər yaralanıb. Bunlar təmir işləri aparan qəsəbə sakinləri Elşad Abbasov və Qabil Quliyev olub.

Onlar yanıq xəsarəti ilə xəstəxanaya yerləşdiriliblər.//musavat.com/