Ukrayna baş naziri də təcili iclas çağırdı

Ukrayna Baş naziri Arseni Yaçenyuk ölkənin müdafiəsilə bağlı hökumətin təcili iclasını çağırıb.

Axar.az xəbər verir ki, bu barədə Ukrayna Müdafiə nazirinin müavini Pyotr Mexed məlumat verib.

“Müdafiə naziri Stepan Poltorak Arseni Yaçenyukun vətənin müdafiəsilə bağlı keçirdiyi təcili toplantıya qatılıb”, - Pyotr Mexed Aydar batalyonunun döyüşçülərinin Müdafiə Nazirliyinin binası yaxınlığında keçirdiyi mitinqdə deyib.

Qeyd edək ki, Aydar batalyonunun döyüşçüləri batalyonun yenidən formalaşdırılması məsələsini aydınlaşdırmaq üçün nazirlə görüş tələb edir.