Avropanın yeni Qarabağ tələbi

Ermənilər Avropa Şurasının açıqlamasından qorxuya düşüblər
Rusiyanın AŞPA-da səs hüququnun bərpası üçün irəli sürülən 21 tələbdən biri də Dağlıq Qarabağla bağlıdır.

ANS PRESS-in məlumatına görə, Rusiya nümayəndə heyətinin bu barədə açıqlamalarda bildirilir ki, əsas şərtlərdən biri Dağlıq Qarabağda münaqişənin nizamlanması məsələsində proqressin olması vacibdir.

Bu tələb Ermənistan şərhçilərini ciddi narahat edib. "Faktiki olaraq, Minsk qrupunun (Rusiya, ABŞ və Fransanın) unikal həmsədrlik formatının olmasına baxmayaraq, Qarabağ münaqişəsi Qərblə Rusiya arasında əsas mübahisə nöqtələrindən biridir", - deyə erməni şərhçi Naira Hayrumyan bildirib.

Daha sonra "Qarabağ nizamnalanmasının proqressi" istiqamətində Avropanın xoşuna gəlmək üçün Rusiyanın hansı addımlar ata biləjəyi barədə düşünən şərhçinin sözlərinə görə, indiyə kimi Avropa heç zaman Rusiya qarşısında bu məsələ ilə bağlı tələb qoymamışdı. "Bəlkə, Rusiyanın Ermənistandan hərbi bazasını çıxarmasını istəyirlər?", - deyə Hayrumyan sual verir.
Mənbə
ANS PRESS