Rusiya ordusu itki verdi

Ukrayna Təhlükəsizlik Xidməti (UTX) Rusiya Silahlı Qüvvələrinin Ukrayna ərazisində itki verməsi ilə bağlı faktları ifşa edib.

ANS PRESS-in məlumatına görə, UTX-nın əks-kəşfiyyatı rus hərbçilərin Ukrayna ərazisində döyüşdüyünü təsdiqləyən səsyazısı əldə edib.

"Səsyazısında separatçıların iki nümayəndəsi bir-birilə söhbət edir. Onlar rus əsgərlərin həlak olduğunu deyirlər. Rusiya tərəfi isə bunu məharətlə gizlətməyə çalışır. Bizim əlimizdə ölən rus hərbçilərin sənədləri var", - deyə UTX-nın açıqlamasında bildirilir.

Qeyd edək ki, son aylar Ukraynada vəziyyət yenidən gərginləşib. Belə ki, ölkənin şərqində şiddətli döyüşlər gedir. Hər iki tərəfdən itkilər var.