Bakıda ali məktəb müəllimini vurdular

Bu gün səhər saatlarında Bakının Nəsimi rayonu ərazisində universitet müəllimini maşın vurub.

ANS PRESS-in məlumatına görə, hadisə saat 08:03-də Xan Şuşinski küçəsilə M.P.Vaqif küçəsinin kəsişməsində baş verib.

Belə ki, Tibb Universitetinin müəllimi, 49 yaşlı Sayəddin Atakişizadəni avtomobil vurub.
Müəllim işə gedərkən yolu keçmək istəyən zaman vurulub.

Onu ağır vəziyyətdə xəstəxanaya yerləşdiriblər.

Həkimlərin səyi nəticəsində onun həyatını xils etmək mümkün olub. Hazırda müəllim həkim nəzarətindədir.

Faktla bağlı araşdırma aparılır.