Nemtsovdan xəbər ver, 3 milyon al

Rusiya İstintaq Komissiyası Boris Nemtsovun ölümü ilə bağlı məlumat verənə 3 milyon rubl (50 min dollar) mükafat verəcəyini açıqlayıb. Axar.az xəbər verir ki, komissiyadan verilən açıqlamada bildirilib ki, gizliliyə tam zəmanət verilir: “İstintaqla bağlı məlumat verənlərin gizliliyi tam təmin olunacaq. Ayrıca cinayəti araşdıran təhlükəsizlik qüvvələri istintaq üçün əhəmiyyətli məlumata görə 3 milyon rubl mükafat verməyə hazırdır”. Qatilin robot rəsmi çəkildi Bu arada “Layfnyus” agentliyi Rusiya Daxili İşlər Nazirliyində qatilin robot rəsminin hazırlandığını iddia edib. Məlumata görə, polis 170-175 santimetr boyunda, qara və qısa saçlı, normal bədən quruluşlu bir kişini axtarır. Qatilin mavi rəngli cins şalvar və qəhvəyi paltoda olduğu aydınlaşıb. Daha bir məlumata görə, polis Şimali Osetiya nömrəli VAZ-21102 avtomobili axtarır.