Sürücülər arasında mübahisə- “Özünü söydürürsən...” +Video

Bakıda sürücünün hərəkətləri böyük marağa səbəb olub.


“Qafqazinfo” avtosfer.az-a istinadən xəbər verir ki, Əhəd Məmmədov adlı şəxs fevralın 28-də Dilarə Əliyeva küçəsində hərəkətdə olarkən təmir olunan yolda işləyən traktora yol verib.

Bu zaman arxadan hərəkət edən “Honda” markalı, 90 SV 827 dövlət nömrə nişanlı avtomobilin sürücüsü onu təhqir edib. Səbəb isə bu olub ki, Ə.Məmmədov traktora yol verib:

“Mən elə bilirdim ki, sadəcə yol verməyəndə söyülürsən. Sən demə, kiməsə yol verəndə də söyülürsən, nədi-nədi 3-4 dəqiqə traktora yol verdim, gözlətdim... Belələrini ictimai qınağa cəlb etmək lazımdır! Bu videokadrdan 2-3 dəqiqə öncə traktor üçün yolu dayandırdılar, məndən öndəkilər yol vermədi, mən dayanıb yol verdim. Bu da mənim arxamda idi, mənə əsəbiləşdi ki, niyə yol verdin, çəkil mən keçim”.

Videodan da aydın olur ki, “Honda”nın sürücüsü Əhəd Məmmədovu təhqir edir. Ona bildirir ki, traktora yol verdiyi üçün arxadakı maşınların sürücüləri onu söyürlər. Amma videodan görünür ki, yolda təmir gedir və traktor da elə bir yerdədir ki, ona yol verməmək qəzaya səbəb ola bilər. Görünür, “Honda”nın sürücüsü özünü başqalarından daha üstün tutur və ya daha “ağıllı” hesab edir…
[media=https://www.youtube.com/watch?v=crC76xYi9zo]