Polad Alemdar necə xilas oldu (VİDEO)

Reytinq rekordçusu “Kurtlar Vadisi Pusu” serialının yeni seriyasının kadrları yayılıb.

ANS PRESS-in məlumatına görə, yeni kadrlarda, son seriyada həyatı üçün 24 saat vaxt qoyulmuş Polad Alemdarın qaçaraq sağ qaldığı məlum olur.

Həmçinin liderlərinin həyatı ilə şantaj olunaraq istəmədikləri əməliyyata məcbur edilən Polad Alemdarın adamları da qaçmağın yolunu tapırlar.

Kadrların sonunda Polad Alemdar naməlum snayperin hədəfi olur. Ən sonda isə Polad Alemdarın qızı Elif ağlamağa başlayır.

Poladla adamlarının necə qaçdıqlarını və Polad Alemdarın vurulub-vurulmadığını, həmçinin Elifin niyə ağladığını öyrənmək üçün isə “Pusu” pərəstişkarları martın 12-ni gözləməli olacaqlar.

“Kurtlar Vadisi Pusu” serialının 250-ci seriyası 12 mart cümə axşamı günü axşam saat 22.00-də nümayiş olunacaq.