Məşhur yəhudi milyarderin oğlu 18 milyarddan imtina edib müsəlman oldu - Foto

Türkiyəyə yatırdığı investisiyalarla tanınan , İsrailli dünyaca məşhur iş adamı Sami Oferin oğlu Dalya Oferin, uzun müddət öncə İslamı qəbul etdiyi üzə çıxıb.

Avropa.info xəbər verir ki, Ofer Türkiyənin mətbuatına verdiyi açıqlamada 5 ildir Müsəlman olduğunu bildirib

Sami Oferin ölümündən sonra, Dalya Oferin atasından qalmaq 18 milyard dollarlıq sərvəti rədd etməsi ətrafında ciddi qalmaqal yaşanmışdı. .

Sammi Ofer, şirkətinin 52,4 faizlik qismini ikinci həyat yoldaşından olan, lakin üzünü heç vaxt görmədiyi oğlu Dalya Oferə miras buraxmışdı . Dalya Ofer, "Ofer Qardaşlar Qrupu"nun rəhbərliyinə gəlmiş və 18 milyard dollarlıq sərvətin ortağı olmuşdu . Vəsiyyət görə Dalya, ailənin içinə girdikdən sonra, bu sərvətə sahib olacaqdı. Dalya Ofer həyatı boyu heç vaxt görmədiyi iki qardaşı Eyal Ofer və Idan Oferi beləliklə tanımış oldu. Qardaşlar arasında böyük bir irs davası başlayarkən Dalya Ofer, qısa müddətdə "Ofer Holdinq"in prezidenti kürsüsündə oturdu. Ofer qardaşların arasındakı davanın böyüməsindən qısa müddət sonra, Dalya Ofer, atası Sami Oferin 18 milyard dollarlıq sərvətini rədd etdi, Holdinqdən istefa verdi.

Mediada yayılan məlumatlara görə, qardaşlar Dalya Oferin İslamı qəbul etdiyi üçün ona sui-qəsd hazırlayırlarmış. Şirkət əməkdaşlarından Yasəf Beraha mətbuata verdiyi bəyanatında Dalya Oferin, Dubay kral ailəsinin üzvü Xamdan əl-Məktum ilə illərdir görüşdüyünü və onun vasitəçiliyi ilə Məkkədə Ümrə ziyarəti edərək, İslamı qəbul etdiyini açıqladı. Bəyanatda bildirilirdi ki, Dalyanın qardaşları Eyal və İdan bundan çox narahat olsalarda, Xamdan əl-Məktumdan çəkindikləri üçün, ona heç nə edə bilmirlər. Həmçinin, Dalya Oferin holdinqə prezident olmasından yəhudi lobbisinin də narahat olduğu deyilirdi.


Siyasi elmlər və beynəlxalq münasibətlər fakultəsinin məzunu olan Dalya Oferin Yaxın Şərq siyasəti üzrə dissertasiya müdafiə etmək üçün Türkiyəyə gəldiyi və bu zaman İstanbulu çox bəyəndiyi qeyd edilir . Ofer, Türkiyədə bir siyasi partiyanın strategiya mütəxəssisi, iki holdinqin strategiya müşaviri kimi çalışıb və Türkiyəyə xarici investorlar gətirib. Türk iqtisadiyyatına dəstək vermək üçün səy göstərib..

Dubay kral ailəsinin üzvü Xamdan əl-Məktumun Türkiyəyə investisiya qoymasının əsas səbəbkarının Dalya olduğu bildirilir.

Sadə, normal bir həyat sürdüyünü və belə yaşamaq istədiyini deyən Dalya Ofer, humanitar yardım işləri və xeyirxahlığı ilə də tanınır./musavat.com/