Lev Tolstoyun evində Stalin plakatı – Polis ayaqda

Rus aktivistləri Lev Tolstoyun Moskvada yaşadığı evin önünə keçmiş SSRİ lideri İosif Stalinin plakatını asıb.

Axar.az “Diletant.ru”ya istinadən xəbər verir ki, kimlər tərəfindən asıldığı məlum olmayan plakatda Stalin sinəsi medallarla dolu hərbi formadadır. Plakatın ölçüsü iki metrənin dördə nisbətindədir.

Sözügedən plakatda Stalinin portreti ilə yanaşı, “Qaliblərə əbədi eşq olsun” şüarı da qeyd olunub.

Polis plakatı yerləşdirənləri tapmaq üçün araşdırma aparır. Şəhər bələdiyyəsi isə sözügedən hadisə ilə bağlı mətbuata açıqlama verməkdən boyun qaçırır.