Nepalda zəlzələ qurbanlarının sayı 1900-ə çatdı: 4718 yaralı FOTO

Ötən gün Nepalda baş verən dəhşətli zəlzələnin qurbanlarının sayı 1900-a çatıb. 4718 nəfər xəsarət alıb. On minlərlə insan evsiz qalıb.

***

Nepalda son 80 ilin ən güclü zəlzələsində ən azı 1100 adamın öldüyü təsdiqlənib. Çoxsayda xəsarət alan var. Ölənlərin sayının artacağı güman edilir.

***

Nepalın paytaxtı Katmandu yaxınlığında güclü zəlzəl baş verib.

Episentri şəhərdən təxminən 80 km. aralıya və 10 km. dərinliyə düşən zəlzələ 7,9 bal gücündə olub.

Zəlzələ nəticəsində Katmanduda binalar çöküb, yollar dağılıb. Qonşu Hindistan və Pakistanda da hiss edilən təkanlar ciddi zərərə səbəb olub.

İlkin rəsmi məlumatlara görə, zəlzələ təkcə Katmanduda 150 nəfərin həyatına son qoyub. İnsan tələfatının daha çox olduğu güman edilir.

Məsələn, Katmandudakı jurnalistlərdən biri tvitter hesabında belə bir məlumat paylaşıb ki, şəhərin turistlər üçün ən cazibədar tikililərindən biri olan 60 metrlik Dxaraxara qülləsi də yerlə bir olub və təkcə bu binada ölənlərin sayı 400 nəfərə çata bilər.