Qadınları fahişəliyə cəlb edən prodüser hakim qarşısında

Bu gün Bakı Ağır Cinayətlər Məhkəməsində qadınları fahişəliyə cəlb etməkdə təqsirli bilinən prodüser Vəfa Vaqifqızının (Məmmədova) cinayət işi üzrə məhkəmənin hazırlıq iclası keçirilib.

ANS PRESS-in lent.az-a istinadən verdiyi məlumata görə, hakim Cavid Hüseynovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib. Məhkəmə baxışı təyin 19-a təyin edilib.

Qeyd edək ki, tanınmış azərbaycanlı prodüser Vəfa Vaqifqızı (Məmmədova) qadınları fahişəliyə cəlb etməkdə şübhəli bilinərək, ona qarşı Cinayət Məcəlləsinin 144-cü ( insan alveri) maddəsi ilə cinayət işi başlanıb.

Vəfa Vaqifqızı əməkdar artist Nüşabə Ələsgərli, Nazənin, Mənzurə Musayevanın prodüserliyini edib.