Prezidentin dedikləri, sanki Mübariz Ağayevə aid deyil

Göyçayda vətəndaşları suya həsrət qoyan Suvarma Sistemləri İdarəsi müdiri Şakir Əhmədov Mübariz Ağayevin icra başçısı təyin olunması münasibəti ilə təşkil edilən “atəşfəşanlığın” sponsoru olub

Şakir Əhmədov əsas su kanallarından gələn suyu böyük təsərrüfat sahiblərinə verərək yerdə qalan əhalini heç düşünmür.

Göyçaydan AzFakt.com-un elektron poçtuna rayon Suvarma idarəsinin müdiri Şakir Əhmədovla bağlı şikayət məktubu daxil olub. Həmin məktubda qeyd olunur ki, idarə müdiri uzun müddətdir işlədiyi Göyçay Suvarma Sistemləri İdarəsini sözün həqiqi mənasında öz “ata mülkü” kimi idarə edir. Şakir Əhmədovun sayəsində rayonun bir çox kəndləri üzün müddətdir ki, sussuzluqdan əziyyət çəksələr də, idarə müdirinin “quş, ya da aslan südünə” belə ehtiyacı yoxdur. Daha doğrusu Şakir Əhmədovun ürəyi istədiyi hər şeyi var. Hətta “quş südü” belə...

Göyçayın tanımış məmur-oliqarxlarından olan Şakir Əhmədov uzun illər boyu Melorasiya və Su Təsərrüfatı ASC-dən Göyçaın “payına düşəni” öz “payına” çevirib və bu üzdən də idarə müdirinin yerdən göyə heç bir şeydən ehtiyacı yoxdur. Amma Göyçay kəndlərinin suya ehtiyacı var. Və bu Göyçay Suvarma Sistemləri İdarəsinin müdirinin umuruna belə deyil. Xüsusilə Alpoud, İnçə, Qaraməryəm, Bığır, Qarabaqqal, Çayarxı, Hacalıkənd, Potu, Şəhadət, Cəyirli, Çərəkə, Yalman, Qaraman, Qızılağac, Mırtı və digər kəndlərində yaşayan əhali suvarma suyuna həsrətdir. Bu kəndlərdə 100 ildir ki, əhali içməli suyu da maşınlardan pulla alırlar və heç kim də su probleminin yaxın günlərdə həll olunacağını gözləmir. Amma kənd əhalisinin əsas dərdi əkinlərinin suvarılmasıdır ki, bu da Şakir Əhmədovun insafındadır. Və Şakir Əhmədovun insafı bir qayda olaraq kəndlilərin əkinlərini yandırır. Çünki Melorasiya və Su Təsərrüfatı ASC-dən vəsait ayrılasa da, Göyçayda su kanalları illərlə təmizlənmir. Bu öz yerində. Şakir Əhmədov rayonda varlı ilə kasıb arasında da böyük fərq yaradır. Belə ki, kaksıb olanlar suya həsrət qalsalar da, imkanlı adamlar, həmçinin məmurlar sudan ürəkləri istədikləri qədər yararlanırlar. Şakir Əhmədov əsas su kanallarından gələn suyu böyük təsərrüfat sahiblərinə verərək yerdə qalan əhalini heç düşünmür.

Şikayətçilər bildirir ki, dəfələrlə Şakir Əhmədovun bu özbaşınalığı ilə bağlı aidiyyatı instansiyalara müraciətlər etsələr də, sonucda heç nə dəyişməyib. Şakir Əhmədov yaranmış problemləri kanalların təmir edilməsi və suvarma sırasında sahibkarların çox olmasını hər dəfə bəhanə edir. Ancaq Göyçaydakı bir çox su kanalları uzunmüddətdir ki, təmizlənmir. Əvəzində isə hər il dövlətdən ayrılan külli miqdarda vəsaitlər su kanallarının, arxlarının təmizlənməsi adı altında sənədləşdirilərək mənimsənilir.

Qeyd edək ki, dövlət büdcəsindən Göyçay Suvarma Sistemləri İdarəsinə hər il 150-200 min manat vəsait ayrılasa da, Şakir Əhmədov su kanallarının məmurların böyük təsərrüfatlarına qədər təmizləyir və bu zaman təmizləmə pulunu da elə həmin məmur-fermerlərdən alır. Yəni idarə müdiri dövlətin ayırdığı pulları birbaşa öz cibinə qoyur.

Şakir Əhmədovun vətəndaşlardan topladığı su pullarının taleyini ikinci yazımızda yazacağıq. Hələlik isə onu qeyd edək ki, Şakir Əhmədov hər il əhalidən 300 min manatdan artıq su pulu yığır.

Hazırda isə Şakir Əhmədovun qılıncının dalı da, qabağı da kəsir. Çünki rayona bir neçə ay əvvəl Göyçaya təyinat alan icra başçısı Mübariz Ağayevin güvəndiyi adamdır. Şakir Əhmədov Mübpariz Ağayevin Göyçaya girişini atəşfəşanlıqla qarşılayan və böyük zityafət verən idarə müdiri olaraq tanınır və hamı bilir ki, Mübariz Ağayev Şakir Əhmədovla dostdur. Mübariz Ağayevin Göyçaya icra başçısı təyin olunması münasibəti ilə rayonda təşkil edilən atəşfəşanlığın və ziyafətin sponsorunun da, məhz Şakir Əhmədov olduğu iddia olunur. Bu qonaqlıq və atəşfəşanlığı isə idarə müdiri doğurdan özünə və sərvətinə layiq edib. Yəni əskik heç nə olmayıb. Mənbə bildirir ki, öz növbəsində Mübariz Ağayev Şakir Əhmədovun bu diqqətindən çox məmnun olub.

Qeyd edək ki, ölkə prezidenti dəfələrlə məmurlara xəbərdarlıq edərək onlardan sadə həyat sürməyi tələb edib. Lakin dəfələrlə belə bir xəbərdarlığın edilməsinə baxmayaraq, bir qayda olaraq bəzi məmurlar prezidentin xəbərdarlıqlarını eşitməməzlikdən gəlirlər və Mübariz Ağayevin şərəfinə 5 ay əvvəl Göyçayda təşkil olunan atəşfəşanlıq və ziyafət də bu qəbildəndir. Çünki həmin ziyafətdə israfçılıq xüsusi ilə diqqəti cəlb edib.

AzFakt.com-a daxil olan məlumatda bildirilir ki, hazırda Mübariz Ağayev rayonda həyata keçirilən, daha doğrusu köhnə başçı tərəfindən bir müddət əvvəl abadlaşdırılan, Mübariz Ağayev tərəfindən isə yenidən sökdürülən küçələrin abadlaşdırılmasını Şakir Əhmədova tapşırıb. Bu barədə, həmçinin yığılan su pullarının taleyi və Şakir Əhmədovun bənd vurma maxinasiyaları ilə bağlı məlumatlar növbəti yazımızda. Bizi izləyin.
Yazıda adı keçən şəxslərin mövqeyini dərc etməyə hazırıq.