Ərdoğan koalisiya mübahisələrinə nöqtə qoydu

«Siyasilər çözməsə, millət çözəcək»

Türkiyə prezidenti Rəcəb Tayyib Ərdoğan son açıqlaması ilə yenə erkən seçkiyə işarə vurub. «Siyasilər çözə bilməsə, millət çözəcək» deyən Ərdoğan günlərdir qızğın şəkildə davam edən koalisiya mübahisələrinə nöqtə qoymuş olub: «Türkiyənin koalisyon bir hökumətlə idarə olunması qaçılmazdır. İstəyimiz bir an əvvəl hökumətin qurulmasıdır. Seçkidən sonra ortaya çıxan mənzərə millətin təqdiridir. Millət təkpartiyaları iqtidar istəmir. Hamımız bu seçimə hörmət etməliyik. Millət istəyirsə, belə olmalıdır. Amma siyasilər işi çözməsə, millət çözəcək. İyunun 28-də parlament sədrliyinə və Divana seçkilər başlayır. Hökumətin qurulmayacağı təqdirdə, prezidentin erkən seçkiyə getmək hüququ var. Qarşıda 45 gün var. Türkiyə vaxt itirə bilməz. Koalisyon hökumət ən qısa zamanda qurulmalıdır. Heç kim eqoları ilə davranmamalıdır. Türkiyəni hökumətsiz bir ölkə durumuna gətirməyin nəticəsi çox ağır olar. Prezident olaraq millətin arzusunu nəzərə alıb hökumətin tez bir zamanda qurulmasını təşviq edəcəm. Kimlərsə hər fürsətdə çıxıb «Prezident Konstitusiyanın verdiyi səlahiyyətlərlə kifayətlənməlidir» kimi ifadələr işlədir. Mən Konstitusiyadakı yerimi çox yaxşı bilirəm. Hazırda Konstitusiyanın mənə verdiyi vəzifə və səlahiyyət nədirsə, kifayət qədər düzgün istifadə edirəm. Bunun üçün kimlərinsə təlimatına ehtiyacım yoxdur».

Gültəkin