“Dünya qorxunc qan dəryasına şahidlik edəcək”

Ankaranın Suriyaya girəcəyinə dair yeni planlar ortaya çıxıb. Axar.az xəbər verir ki, bu barədə “Zaman” qəzeti məlumat yayıb. Bildirilir ki, AKP-nin yeni Suriya planı nə bahasına olursa-olsun, Əsədin devrilməsinə yönəlib və artıq bu ölkəyə hərbi müdaxilə ilə bağlı Türkiyə Silahlı Qüvvələrinə lazımi təlimatlar verilib. Yazar Haluk Özdalğa isə çox iddialı açıqlamalarla çıxış edib: “TSQ-nin apardığı araşdırmalar Suriyada inkişaf edən proseslərin dəqiq hesablandığını göstərir. Nüsra cəbhəsi, İŞİD və Əl Qaidə Suriyada iqtidar davası aparır. Bunlardan biri Suriyada iqtidarı ələ keçirərsə, dünya qorxunc bir qan dəryasına şahidlik edəcək. Səudiyyə və Qətər Suriyanın dağılmasından dolayı narahatlıq keçirmir. Çünki İrana böyük bir zərbə vurduqlarını düşünürlər. Suriyanın bir hissəsində kiçik bir vəhhabi dövlətinin qurulmasının tərəfdarıdırlar. Səudiyyə və Qətərin mövqeyi olduqda açıqdır, eyni zamanda, digər ölkələrinki də. Məsələn, ABŞ PYD-ni dəstəklədiyini və İŞİD-ə qarşı olduğunu gizlətmir. Onda ortaya bir sual çıxır. Bəs burada AKP-nin məqsədi nədir? Suriyaya demokratiyanı bu ölkələrlə birgə hərəkət edərək gətirəcəklər?..