Bakı şəhər DYP-nin rəis müavini işdən çıxarıldı

Qəhrəman Qələndərov Ramil Usubovun əmri ilə deputat oğlunun yerinə rəis təyin edilib

Daxili işlər naziri Ramil Usubov Yasamal rayon Polis İdarəsinin Yol Polisi Bölməsinə yeni rəis təyin edib. Nazirin əmri ilə bu vəzifəyə polis polkovnik-leytenantı Qəhrəman Qələndərov gətirilib. Qəhrəman Qələndərov Bakı Şəhər Dövlət Yol Polisi İdarəsinin (BŞDYPİ) rəisi Nuşirəvan Səfərovun müavini idi.
Qeyd edək ki, bir necə gün öncə Yasamal rayon Yol Polis şöbəsinin rəisi, polkovnik-leytenant Elşad Məmmədovun (millət vəkili Elman Məmmədovun oğlu) tutduğu vəzifədən azad edilməsi barədə məlumat yayılmışdı. (aznews.az)