Həsib Məhməliyev həmin ərazini Salyanın icra başçısı Tahir Kərimova hədiyyə edib

Nəsimi rayonu, 3-cü mikrorayon, Cavadxan küçəsi, 38 saylı binanın sakinləri redaksiyamıza müraciət edib. Sakinlərin sözlərinə görə, 2007-ci ildə 38 saylı binanın həyəti Nəsimi bələdiyyəsi tərəfindən Aygül Musayevaya verilib. Bundan sonra Daha sonra isə həmin sahənin yaxınlıqdakı sahibkar Arifə Camalqızının olması ortaya atılıb. Arxivdən araşdırılıb məlum olub ki, hər iki şəxsin adına heç bir torpaq sahəsi yoxdur.
Məhkəmədə torpaq sənədinin ləğvi, eyni zamanda tikintiyə icazə verən sərəncamın ləğvi ilə bağlı iki iddia qaldırılıb. İş məhkəməyə veriləndən sonra apellyasiya instansiyasında məlum olub ki, heç bir sənəd olmayıb və işi birinci instansiya məhkəməsinə qaytarıb.
Eyni zamanda Bakı Şəhər İcra Hakimiyyətinin Memarlıq və Şəhərsalma Baş İdarəsinin 2014-cü il 29 dekabr tarixli məktubu ilə qeyri-yaşayış sahəsinin tikintisinə dair razılaşdırılmış layihəni etibarsız hesab edib.
Sakinlər iddia edirlər ki, Həsimi rayonunun keçmiş icra başçısı, hazırda deputat olan Həsib Məhməliyev həmin ərazini Salyanın icra başçısı Tahir Kərimova hədiyyə edib. Bu səbəbdən də qanunsuzluğa göz yumulur. "Bir nəfər ərazini qazanc üçün obyektə çevirmək istəyir və bunun nəticəsində yoldan həyətə girmək üçün dar bir cığır qalıb. Həmin şəxsə etirazımızı bildirdik, 2007-ci ildə inşası başa çatdırılan tikintini yarımçıq qoyduq. 2012-ci ildə yenidən cəhd etdi, dövlət qurumlarını məsələyə qatandan sonra tikili söküldü. Biz bu məsələləri hazırda yolumuzu kəsən adama xatırlatdıq. Lakin həmin şəxs ya başa düşmür, ya da istəmir. Özünü obyektin ya yiyəsi, ya da icraçısı kimi təqdim edən Hüseyn adlı şəxs deyir ki, 70 min manat xərcim çıxıb. Sizin acığınıza tikdirəcəm. Biz tikinti aparmağa qoymuruq. Ərizə və şikayətlər yazaraq haqqımızı tələb edirik", - deyə sakinlər bildirir.