Elmar Vəliyev "Kəpəz" futbolçularını küçə söyuşləri ilə təhqir edib?

Gəncə ŞİH-nin başçısı Elmar Vəliyev növbəti biabırçılığa imza atıb. Bu barədəredaksiyamıza şok doğuracaq məlumat daxil olub.

Ötən yazılarımızda məlumat vermişdik ki, icra başçısı şəhərin abadlıq işlərini üzərinə götürən iş icraçısını vətəndaşların yanında təhqir etmişdir. Hətda icraçıya yumuruq zərbələri endirərək ona bədən xəsarəti yetirdiyi barədə məlumat vermişdik.

Son anda icraçı Elmar Vəliyevin əlindən yaxasını bir təhər qaçıraraq aradan çıxmağı bacarıb. Növbəti biabırçılıq Gəncənin “Kəpəz” komandasının futbolçuları ilə bağlıdır. Belə ki, Topaz Premyer Liqanın 34-cü turunda "Kəpəz"inn qonağı olan "Neftçi" 2:1 hesablı qələbə qazanıb. Məğlubiyyəti həzm edə bilməyən Gəncə ŞİH-nin başçısı Elmar Vəliyev oyun bitdikdən sonra futbolçuların arxasıca gedərək onları küçə söyuşləri ilə təhqir edib.

İcra başçısının bu addımı futbolçular tərəfindən və “Kəpəz” komandasının rəhbərliyi tərəfindən nifrətlə qarşılanıb. Əlbətdə ki, meydançaya çıxan iki komandadan biri qələbə qazanmalıdır. Zəif komanda gələcək oyunları üçün özündə iradə toplayıb mübarizə aparmalıdır. Buda rəhbərliyin futbolçulara mənəvi dəstəyindən aslıdır. Amma Elmar Vəliyevin başçıya yaraşmayan hərəkəti sözün həqiqi mənasında özbaşınalıqdır.

Məlumatı verən mənbə bir daha vurğulayır ki, E. Vəliyev ümumiyyətlə çox əsəbidir. Tədbirlərdə və digər yığıncağlarda icra başçısına dəyəcək bir kəlmə böyük bıabırçılıqla nəticələnir. Elə bu səbəbdən Gəncə şəhərində idarə, müəssisə və təşkilat rəhbərləri E. Vəliyevin tədbirinə getməzdən öncə həkimə müraciət edrlər.
Qarşı tərəf kimi Gəncə ŞİH-nin başçısı Elmar Vəliyevin mövqeyini dərc etməyə çalışacayıq.

Dosye.org