Uçan keçid deputatın atasınının imiş?

Ötən gün Şıx qəsəbəsində uçan piyada keçidinin kimə məxsus olması məlum olub. “Qafqazinfo” sözügedən məsələdə adı hallanan “Grand Park”ın keçmiş prokuror Şükür Rzayevə məxsus olduğunu müəyyənləşdirib.

Ş. Rzayev 1994-1998-ci illərdə Bakı Şəhər prokuroru vəzifəsində çalışıb. Onu da qeyd edək ki, Ş. Rzayev millət vəkili Rövşən Rzayevin atasıdır.

Ş. Rzayev bir neçə il əvvəl vəfat etsə də, "Grand Park"-ın mülkiyyət sənədlərində heç bir dəyişiklik edilməyib və hazırda da mərkəzin hüquqi sahibi mərhum prokurordur.

Xatırladaq ki, ötən gün Səbail rayonu, Bakı-Salyan yolu üzərində quraşdırılmış yerüstü piyada keçidi yükqaldırıcı kran maşınının sürətlə ona dəyməsi nəticəsində uçub. Hadisə nəticəsində ümumilikdə 6 nəfər yaralanıb.