TOVUZDA DİREKTORUN QƏTLİ – Əsl dedektiv filmi kimi… (Təfərrüatlar)

Xəbər verildiyi kimi “Azərsığorta” dövlət sığorta şirkətinin Tovuz filialının direktoru Raya Bayramova ötən şənbə günü öz iş otağında ölü tapılıb. 62 yaşlı qadının başından endirilən zərbələrlə qətlə yetirildiyi məlum olub. Habelə filialın direktor müavini Vidadi Vəliyev şirkətin ofisinin damından yıxılaraq başından xəsarət aldığını deyib, xəstəxanaya yerləşdirilib. Virtualaz.org xəbər verir ki, bu müəmmalı qətl və xəsarət alma olayı ilə bağlı bəzi yeni təfərrüatlar məlum olub.

“Sputnik” agentliyi Tovuz rayon Polis İdarəsindəki mənbələrə istinadən xəbər verir ki, qətl günü Raya Bayramovun kabinetində onun 52 yaşlı mühasibi olub. Mühasib bir neçə sənədləri imzalamaq üçün direktora verib və gedib. Sonra nə baş verdiyini isə heç kim bilmir.

Artıq üç gündür ki, Tovuz rayonunun istintaq tədqiqatçıları “Azərsığorta” dövlət sığorta şirkətinin Tovuz filialının direktoru, öz kabinetində dəhşicəsinə öldürülən 1956-cı il təvəllüdlü Raya Bayramovanın sirli qətlinin üstünü açmağa çalışırlar. Qatil hələ həbs olunmasa da, cinayətdə şübhəli bilinən şəxsin olması artıq tapmaca deyil.

Qanun keşkçiləri cinayətin Aqata Kristinin detektiv romanlarının süjetini xatırlatdığını deyirlər. Tovuzda bu müəmmalı qətlin üstünü aça bilən “Şerlok Holms” tapılacaqmı, hələ məlum deyil.

R.Bayramova şənbə günü səhər saatlarında öz kabinetində ölü tapılıb. Amma araşdırmalar nəticəsində aydın olub ki, qadının cümə günü öldürülüb. Kabinetin divarları və Bayramovanın iş stolu qana bələnib. Döşəmədə qadının cansız bədəninin yanında qırmızı kərpicin qırıntıları olub. Güman edilir ki, qatil əvvəlcə dəfələrlə qadının başını masaya vurub, sonrasa kərpiclə zərbələr endirib. Bundan sonra qatil şirkətin birmərtəbəli binasının qapısını çöldən bağlayıb və gizlənməyə müvəffəq olub.

İstintaq araşdırması zamanı məlum olub ki, R.Bayramova cümə axşamı günorta saatlarında işə gəlib. Həmin gün toy məclisinə baş çəkdiyindən işə gec gedib. Filialın mühasibi isə ondan təxminən 20 dəqiqə sonra işə gəlib. Bu görüntülər ofisin girişində quraşdırılmış videomüşahidə kamerası ilə qeydə alınıb.

Şirkətdə beş nəfər işləyir. Onlarda ikisi həmin gün ASAN xidmətdə işdə olublar. Qətl günündə R.Bayramovanın kabinetində onun müsahibi olub. Mwhasib Raya Bayramovaya imzalamaq üçün bir neçə sənəd verib və dediyinə görə, bundan sonra ofisi tərk edib. Müsahibin adı hələlik açıqlanmır. Tovuz Rayon Polis Şöbəsindən bildirilib ki, R.Bayramovanın iş yeri dəmiryolunun kənarında, adamların az olduğu ərazidə yerləşir. Buna görə ola bilsin hadisə zamanı ofisdən səs-küy gəlsə də eşidən olmayıb.

Həmin gün R.Bayramovanın yaxınları onu axtarıb. Onlar qadının Gürcüstana getdiyini düşünüblər. Çünki qətldən bir neçə gün öncə R.Bayramova Gürcüstana gedəcəyini deyibmiş. Yaxınları filialın qapısını yoxlayıblar, bağlı olduğunu görüncə onun Gürcüstana getdiyini düşünüblər. Amma həftənin şənbə günü qadının xarici pasportu yaşadığı evdə tapılıb. Bundan sonra yaxınları polisə müraciət ediblər.

Maraqlı faktlardan biri də budur ki, filialın giriş qapısının açarının bir nüsxəsi mühasibdə olub. Tədqiqatçılar açar barədə soruşduqda müsahib onu çoxdan itirdiyini deyib. R.Bayramovaya məxsus açar isə onun çantasından tapılıb. Digər bir məqam isə mühasibin işə getmədən öncə yaxınlıqdakı kafelərdən birində spirtli içki içməsi olub. Bunu həmin kafedə olanlar təsdiq ediblər.

.Bayramaovanın niyə və hansı səbəbdən öldürülməsini demək çətindir. Hazırda istintaq tədbirləri davam edir. Şənbə günü səhər saatlarında kəllə-beyin travması alan və Tovuz rayon xəstəxanasına çatdırılan R.Bayramovanın müavin Vidadi Vəliyev isə filialın binasından yıxıldığını deyib. Müavin istintaqçıları inandırmağa çalışıb ki, Raya Bayramovanın aqibəti ilə maraqlanmaq üçün şirkətin damından direktorun kabinetinə düşmək istəyib.

Lakin istintaq V.Vəliyevin qətl barədə məlumatlı olmasını istisna etmir. V.Vəliyev ilkin izahatında şirkətə daxil olmaq istıdiyini, lakin qapı bağlı olduğu üçün binanın damına qalxdığını və yıxılaraq xəsarət aldığını göstərib.

O da məlum olub ki, Raya Bayramovanın oğlunun da ifadəsi alınıb. O, ifadəsində deyib ki, anası iki gündür evə gəlmirdi və iş dalınca Gürcüstana getdiyini düşünüblər. Qətli araşdıran müstəntiq Rəşadət Orucov isə virtualaz.org-a istintaqla bağlı açıqlama verməkdən imtina edib. O, Baş prokurorluğun mətbuat xidmətinə müraciət etməyi məsləhət görüb. Polisdəki mənbələr isə deyiblər ki, hələlik qətlin motivlərini müəyyənləşdirmək və cinayətin üstünü açmaq üçün ip uclarını əldə etmək mümkün olmayıb. Və hadisə doğrudan da xeyli müəmmalıdır…

****

TOVUZDA MÜƏMMALI QƏTL – Müdiri kim öldürdü, müavini necə yaralandı?

Xəbər verildiyi kimi ötən gün Tovuzda müəmmalı qətl hadisəsi baş verib. “Azərsığorta” dövlət sığorta şirkətinin Tovuz filialının direktoru, 62 yaşlı Raya Bayramova iş otağında başından küt alətlə vurularaq öldürülüb. Qətlin kim tərəfindən törədildiyi və motivi barədə heç bir məlumat verilmir. Lakin olduqca müəmmalıdır ki, Raya Bayramovanın müavini, 1965-ci ildə anadan olmuş Vəliyev Vidadi Bəhmən oğlu da elə həmin vaxt kəllə-beyin travması xəsarəti ilə Tovuz rayon Mərkəzi Xəstəxanasına yerləşdirilib. V.Vəliyev şirkətin ofisinin yerləşdiyi binanın “damından yıxılaraq xəsarət aldığını” deyib. Ən azından məlumat agentliklərə bu cür ötürülüb.


Bəs bu nə təsadüfdür ki, “Azərsığorta”nın filial direktoru başından küt alətlə vurularaq öldürüldüyü bir vaxtda onun müavini həmin binanın damından yıxılaraq yenə də başından xəsarət alıb? Bu iki hadisənin arasında hansı bağlılıq var?
Virtualaz.org Tovuz rayonundakı mənbələrdən bu qətl və xəsarət alma hadisəsi ilə bağlı əlavə təfərrüatlar öyrənməyə çalışıb. İstirahət günü olduğundan hüquq-mühafizə orqanlarının rayon şöbələri ilə əlaqə saxlamaq mümkün olmayıb. Rayon sakinlərindən, o cümlədən Raya Bayramovanı tanıyanlardan da əlavə nəsə öyrənmək səylərimiz alınmayıb.

Söhbətləşdiyimiz mənbələr ancaq onu deyiblər ki, Raya Bayramovanın qətlinin kim tərəfindən və hansı motivlə törədilməsi hələ bilinmir, məsələ müəmmalıdır. O cümlədən müavinin necə və hansı şəraitdə başından xəsarət aldığını müəyyən etmək hələ mümkün olmayıb. V.Vəliyev hazırda həkim nəzarətində olduğundan hüquq-mühafizə orqanları onu dindirə bilməyib. Gözlənilir ki, bütün suallara direktor müavininin ilkin dindirməsindən sonra aydınlıq gətirmək mümkün olacaq.
Hadisə ilə bağlı DİN və Baş prokurorluğun da rəsmi açıqlamasının olacağı gözlənilir