Gizli savaşın açıq tərəfi: Əli Həsənov hakim komandadakı rəqiblərini hədələyir, Rüfət Aslanlı isə...

Qaçqınların və Məcburi Köçkünlərin İşləri üzrə Dövlət Komitəsinin sədri, baş nazirin müavini Əli Həsənovun digər nəvəsi Emil Həsənlinin Sumqayıtda ağacları qırdırması ölkə mətbuatının gündəmindədir.

Xatırladaq ki, bundan əvvəl Əli Həsənovun digər nəvəsi “Galenvagen” avtomobili ilə ağır qəza törədib, bir neçə nəfərin ölümü və yaralanmasına səbəb olub.

Bunun ardınca digər nəvəsinin Sumqayıt şəhərində, Səməd Vurğun küçəsi ilə Cəlil Məmmədquluzadə küçəsinin kəsişməsində böyük bir yaşıllıq zolağını məhv etməsi barədə ölkə mətbuatında yayılan xəbər və videolar Əli Həsənovu həm çətin vəziyyətdə qoyub, həm də artıq onun ailə üzvləri haqqında cəmiyyətdə ciddi mənfi obraz formalaşdırıb. Bu, sosial şəbəkələrdə gedən müzakirə və statuslardan da aydın görünür.

Əli Həsənov: “Sifarişlə məni şantaj edirlər”

Gizli savaşın açıq tərəfi: Əli Həsənov hakim komandadakı rəqiblərini hədələyir, Rüfət Aslanlı isə...

Maraqlıdır ki, Əli Həsənov təqribən 50 sota yaxın ərazidə 100-ə yaxın şam ağacını məhv edən nəvəsi Emil Həsənlinin əməlinə sərt reaskiya verməkdənsə, o, mətbuata çıxıb həm ona haqq qazandıran və faktdan diqqəti yayındırmağa cəhd edən bəyanat verir, digər yandan isə “diplomatik” şəkildə rəqiblərinə və ya düşmənlərinə mesaj yollayır.

Komitə sədri Ə. Həsənov mətbuatda nəvəsinin yaşıllıq ərazisini məhv etməsi ilə bağlı xəbərlərə reaksiya verərkən deyib ki, qeyd edilən ünvana yaxın ərazidə 2 il bundan əvvəl 11.10.2016 –cı il tarixdə torpaq sahəsi ayrılıb: “Ayrılan yer asfalt örtükdür, həmin yerdə bir dənə də ağac yoxdur və orada heç bir tikinti işi aparılmayıb. Eyni zamanda, saytlarda yerləşdirilən videoda göstərdikləri yerin həmin ayrılan torpağa aidiyyəti yoxdur. Bu da növbəti təxribatdır. Bu barədə mətbuata danışan şəxslər isə həmin asfalt örtüyündən taksi dayanacağı kimi istifadə edənlərdir. Heç bir Sumqayıt sakini mənim ünvanıma olmayan işə görə söz deməz. Çünki 30 il o şəhərin tikintisi və yaşıllıqların salınması ilə məşğul olmuşam. O şəhər mənim üçün çox doğmadır və mən 50 ildir orada yaşayıram. 9 aydır müxtəlif qəzetlər, saytlar sifarişlə məni şantaj edirlər. O insanlar mənə bəllidir: Sifariş verənlər də, idarə edənlər də.

Mən 50 ildir dövlətə xidmət edirəm. Onun 20 ilini qaçqın və məcburi köçkünlərlə işləyirəm. Həmişə dövlətçilik mövqeyində olmuşam. Nə qədər etimad göstəriləcəksə, o qədər də xidmətimi davam etdirəcəm. Görünür, əlləri hər yerdən çıxıb, indi də mənim üçün əziz, doğma olan Sumqayıt şəhərinə əl atıblar”.

Baş nazirin müavini “sifarişçi”, “şantaj” kəlmələrini xüsusi vurğulamaqla son 9 ayda hansısa şəbəkə tərəfindən hədəfə alındığını özü də təsdiq edir. Maraqlıdır ki, 9 ay əvvəl onun nəvəsi Nail Allahverdiyiv şəhərdə yüksək sürətlə idarə etdiyi və dəyəri çox baha olan “Galenvagen”lə bir neçə nəfərin həyatına son qoyub, bir neçə nəfəri isə şikəst edib. İndi Ə. Həsənovun sözlərindən belə çıxır ki, mətbuat bunu yazmamalıymış və yaxud digər nəvəsinin Sumqayıtda onlarla ağacı kökündən çıxarmasına göz yumulmalıdır.

Əgər həqiqətən də Ə. Həsənovun iddia etdiyi kimi, onun “vurulması”nı sifariş edən varsa, yəqin Emil Həsənlinin “yaşıl soyqırımı”nı ilk qələmə alan “Yeni Müsavat” qəzetinin rəhbərliyi buna aydınlıq gətirəcək. Çoxsaylı oxuculara isə Əli Həsənovun nəvəsi haqqında iddiaları təkzib etməsindən (Etiraf edək ki, cəmiyyət bu təkzibə inanmadı – redak.) daha çox, onun “sifarişçilər mənə bəllidir” deməsidir. Doğrudanmı baş nazirin müavininə qarşı gizli qrup var və onu gözdən salmağa çalışırlar?

Reyting.az-ın bir neçə mənbədən əldə etdiyi məlumata görə, Ə. Həsənov bütün babalar kimi nəvələrinin “gözündəki tiri” görə bilməsə də, onun hakim dairədə düşmənləri az deyil:

“Bəli, bu inandırıcıdır ki, onun gözdən düşməsini və daha tez vəzifəsindən çıxarılmasını istəyən qüvvələr var. Lakin digər nəvəsi Emin Həsənlinin ağac qırmasına görə adının hallanmasını sifariş edəcək ciddi qrupun olması mümkünsüz görünür. Ona qalsaydı, həmin Emin Həsənlinin Sumqayıtın bələdiyyə parkında etdikləri də mətbuata çıxarılardı. Yəni yol kənarındaki ağaclıq sahəsini qırıb yerində obyekt tikmək planına qarşı sadə insanlar da çıxa bilər. Necə ki, elə onlar da buna qarşı çıxıblar. Əminəm ki, bunu Əli Həsənov da bilir. Onun açıqlamasında “taksi sürcüləri”ni xatırlatması da göstərir ki, faktı dəqiq bilir. Lakin məişət zəminli problemi başqa səmtə çəkdi. Sözsüz ki, uzun illərdir saraydaxili çəkişmələrdə “bişən” qocaman Həsənov bunu təsadüfən etmədi. Üstəlik, o, postuna göz dikənlərdən də məlumatsız deyil”.

“Qaçqınkom”un sədr postu qruplaşmalara cəlbedici görünür

Mənbəmiz burada haşiyə çıxaraq deyib ki, aprelin 10-da 70 yaşı tamam olacaq birinin vəzifədən gedəcəyini gözləyənlər az deyil. Xüsusən aprelin 11-də keçiriləcək prezident seçkilərindən sonra hakim komandada ciddi dəyişikliklərin olacağına gözləntilərin artdığı bir ərəfədə “Qaçqınkom”un sədr postu çoxları üçün cəlbedici görünə bilər. Yəni bu baxımdan Ə. Həsənovun ad çəkmədən “məni sifarişlə vururlar”,- deməsinin arxasında onun postuna iddialılar və yaranan təhlükə dura bilər: “Əli Həsənov isə məsələni məqsədli şəkildə başqa səmtə çəkərək, həm ayağının altını qazanlara xəbərdarlıq edir ki, “hər şeyi bilirəm”, həm də Prezidentə göstərmək istəyir ki, məni planlı şəkildə “vururlar”. Yəni çıxışını ikitərəfli siyasi dvidentə hesablayır”.

Lakin təcrübəli şəxslər bu məsələdə bir əsaslı nüansı diqqətdən qaçıra bilməzlər: “Əli Həsənovun hər iki nəvəsi faktiki törətdikləri əməllərlə ölkənin gündəminə gəliblər. Əgər “Qaçqınkom”da baş verən maliyyə fırıldaqları haqqında sənədlər və ya çox dar çərçivənin bildiyi digər kompromatlar dövriyyəyə buraxılsaydı, o zaman cənab Həsənovun ultimatumu daha inandırıcı görünərdi. Amma bu yoxdur. Odur ki, Əli Həsənovun son bəyanatı diqqəti nəvəsindən yayındırmaq, hətta ərazidə qanunsuz tikinti aparmasına yol açmaq istəyi kimi qiymətləndirilməlidir. Bəli, onun, məhz bu fakt üzəridən qıcıqlanaraq “sifarişçi, şantajçı şəbəkələr” haqqında dediklərini ciddi qəbul etmək mümkün deyil. Hətta bir qədər də irəli gedib deyə bilərəm ki, o, bu açıqlaması ilə digər nəvəsinin əməllərinə qarşı hərəkətə keçən hüquq-mühafizə orqanlarını bəribaşdan təzyiq altında saxlayıb, onları araşdırma aparmaqdan çəkindirir. Yenə deyirəm, Həsənov bu komandada olan 3-5 mahir oyunçulardan biridir. O, nə etdiyini və hansı açıqlamanı nə zaman verəcəyini yaxşı ölçüb-biçən şəxslərdəndir” .

Bütün bunlara rəğmən, Ə. Həsənovun seçkidən sonra postundan uzaqlaşdırılacağı xəbərinə də toxunan mənbəmiz deyib ki, bu barədə indidən nəsə demək mümkün deyil:

“Sözsüz ki, belə dəyişikliklərə ölkə başçısı qərar verir. Onun seçkidən sonra hansı addımı atacağını isə heç kim dəqiq deyə bilməz. Amma mümkündür ki, 71 yaşına keçməkdə olan Həsənov da “yola salınsın”. Yəni bu ehtimal onun postuna göz dikənləri ümidləndirə bilər. Əminəm ki, bunu Həsənov da bilir. Həm də ailə üzvlərinin harın hərəkətləri onun vəzifə ömrünü qısaldır. Ona görə də o, bu dəfə Emin Həsənlinin məsələsinə daha operativ və ciddi suallar doğuran reaksiya verdi”.

Rüfət Aslanlı Palataya tam nəzarət edə bilmir?

Gizli savaşın açıq tərəfi: Əli Həsənov hakim komandadakı rəqiblərini hədələyir, Rüfət Aslanlı isə...

Qeyd edək ki, son vaxtlar hədəfə çevrilən vəzifəli şəxslərdən biri də Maliyyə Bazarlarına Nəzarət Palatasının rəhbəri Rüfət Aslanlıdır. Palata rəhbəri Rüfət Aslanlı işə başlar-başlamaz atdığı bəzi addımlarla hakim komanda daxilində və cəmiyyətdə qınaq obyektinə çevrilib. Bu azmış kimi onun fəaliyyətindən narazılıq o həddə çatıb ki, Palatadakı səlahiyyətlər qurumun icraçı direktoru İbrahim Alışova həvalə edilib.

Ölkə KİV-ləri yazır ki, sonuncunun da bank sektorunda kifayət qədər tanınan və peşəkarlığı ilə seçilən bir şəxs olmadığı, ən azından cəmiyyətdə kifayət qədər tanınmadığı öz sözünü deyib. Son nəticədə ölkənin maliyyə-bank sektorunda vəziyyət düzəlmək əvəzinə, daha da qeyri-müəyyən hala gəlib:

“Heç kimə sirr deyil ki, bank sektorunun başının üzərini almış kabusu dağıtmaq bütövlükdə bu sektora nəzarət edən səlahiyyət sahiblərinə müyəssər olan məsələ deyil. Amma, eyni zamanda o da etiraf olunmalıdır ki, dövlət başçısı səviyyəsində taleyüklü qərarların qəbulu üçün məhz münbit zəmin hazırlamaq və Prezidenti buna inandırmaq bu sahəyə nəzarət edən və ya etməli olan mötəbər şəxlərin borcudur. Amma görünür, kimsə dövlət başçısını inandıracaq arqumentlərə sahib ola bilməyib və bununla da milyonlarla kredit borclularının intizarla gözlədiyi "amnistiya” qərarı hələ də çıxmayıb. Əvəzində iş o yerə çatıb ki, Palatadakı son iclaslar da məhz İbrahim Alışovun rəhbərliyi ilə keçirilib və Rüfət Aslanlının bu iclaslarda iştirak edib-etmədiyi barədə məlumatların sanki gizli saxlanılmasına üstünlük verildiyindən ictimaiyyətə bu barədə hər hansı məlumat, yaxud fotosübut təqdim edilməyib.

Sual olunur, Rüfət Aslanlı nədən inciyib-küsüb ki, iclaslara qatılmır? Yaxud onu rəhbəri olduğu qurumda niyə “ofsayt”a salıblar və o, bu aqibətlə barışıbmı? Barışmayıbsa, nəyi gözləyir? Ola bilsin ki, sabah Rüfət Aslanlı başqa bir dövlət strukturunda yüksək vəzifəyə, ən azından tutaq ki, vergilər nazirinin müavini postuna iddia etsin. Niyə də yox? Amma inandırıcı olmayan odur ki, o, rəhbərlik etdiyi qısa zamanda təkcə kredit bataqlığında çabalayan yüz minlərlə sadə insanlar arasında deyil, hakim komanda da özünə xeyli düşmən qazanmağa macal tapıb. Ona görə də Rüfət Aslanlının “ulduzunun” növbəti dəfə parlayacağı inandırıcı deyil”.

Göründüyü kimi, konkret olaraq R. Aslanlı nəinki hədəf taxtasına oturdulub, hətta onun yaxın müddətdə postundan uzaqlaşdırılaraq Mikayıl Cabbarovun yanına “sürgün” ediləcəyi də iddia olunur.

Belə məlumatlar və bəzi cümlələrin altında gizli həqiqətlərin olduğunu diqqətə aldıqda isə, qeyd etmək olar ki, yayılan xəbərlər təsadüf kimi görünmür.

Məlumata görə, həqiqətən son 1 ilə yaxındır R. Aslanlının ətrafında ciddi proseslər gedir:

“Təxminən 2 il əvvəl, daha dəqiqi, birinci devalvasiyadan sonra ölkənin maliyyə sektorundakı başıpozuqluğa qarşı ciddi mübarizə başlanıldı, yeni sistem yaradıldı və Rüfət Aslanlı ciddi bir vəzifəyə gətirildi. Sözsüz ki, onun gözlənilmədən belə bir vəzifəyə təyin olunması ölkənin maliyyə-bank sektorundakı bəzi şəxsləri narahat etməyə bilməzdi. Maliyyə və bank sektorunun “qoca qurd”ları hesab edir ki, onlar dura-dura Qiymətli Kağzılar üzrə Dövlət Komitəsinin sədri Rüfət Aslanlı əhəmiyyətli vəzifəyə gətirilir və o, bunların açıq və gizli maliyyə fəaliyyətlərini yönəldir. Hətta bəzi hallarda onların ölkədən pul çıxarmasına, o cümlədən himayəçisi olduqları və ya yönəltdikləri banklara, həmçinin böyük pullarına nəzarət etməsi qarşı tərəfdə Palata rəhbərinə şəxsi mənada böyük sıxıntılar yaratdı. Bəli, bu bir həqiqətdir ki, hazırda Palatada çox məsələlərdən onu kənarda saxlayırlar. Maraqlıdır ki, belə bir anda Prezident İlham Əliyevin bir müddət öncəki sərəncamı ilə Maliyyə Bazarlarına Nəzarət Palatası publik hüquq şəxsə çevrilərək, İbrahim Alışov Palatanın icraçı direktoru vəzifəsinə təyin olundu. Bununla da faktiki olaraq Aslanlı proseslərdən təcrid olunaraq oyundakənar duruma salındı. Alışovun bu vəzifənin öhdəsindən necə gələcəyini deyə bilmərəm, amma onun gələr-gəlməz bank sektoruna daha çox nüfuz etməyə çalışması və bütün fəaliyyətində Aslanlının varlığını heçə sayması Palatada ciddi proseslərin getməsindən xəbər verir. Hesab edirəm ki, bu, çox davam etməyək. Ya Rüfət Aslanlı başqa bir vəzifəyə göndəriləcək, ya da onunla bağlı vəziyyət o qədər ciddidir ki, barəsində başqa tədbirlər də görülə bilər. Belə bir məqamda onunla bağlı mətbuatda komromat tipli xəbərlərin intensivləşməsi də təsadüf deyil”.

Maliyyə kralları Aslanlıya qarşı çıxır

Məlumatlı şəxsin sözlərinə görə, Rüfət Aslanlı Palata sədri olandan onu nə maliyyə naziri Samir Şərifov, nə də Mərkəzi Bankın sədri Elman Rüstəmov xoş qarşılamayıb: “Ölkənin maliyyə və bank sektorunun iki əsas adamı sayılan Samir Şərifovla Elman Rüstəmov elə ilk gündən Rüfət Aslanlının təyinatına qarşı çıxıblar. Onlar fikirlərini belə izah ediblər ki, o, ölkənin maliyyə bazarını idarə edəcək savad və bacarığa sahib deyil. Diqqətçəkən odur ki, bu adamlar Rüfət Aslanlı haqqında mənfi fikirlərini də heç vaxt yaxın ətraflarından gizlətməyiblər. Ona görə də bəziləri indi düşünür ki, Rüfət Aslanlının hazırkı vəziyyətə düşməsində Samir Şərifovla Elman Rüstəmovun da rolu var. Məncə, bu prosesdə başqa şəxslər də rol oynayır. Hansı ki, Rüfət Aslanlıdan çox böyük gözləntilər olub və həqiqətən də o, bu etimadı istənilən səviyyədə doğrulda bilməyib”.

Ekspertimiz hesab edir ki, bu sahədəki problemi İ. Alışov da həll edə bilməyəcək. Əgər onun arxasında ciddi maliyyə bilikləri olan “xocası” yoxdursa, çətin ki, Palata üzərinə qoyulan öhdəlikləri doğru-dürüst icra edə bilsin. Hətta qorxu var ki, Palata ciddi korrupsiya mənbəyinə çevrilsin.

R. Aslanlıdan qisas almaq istəyən bankirlər və onların himayəçilərinin olması da istisna edilmir:

“Diqqət etdinizsə, onun yaxın dostu olduğu deyilən Əmanətlərin Sığortalanması Fondunun icraçı direktoru Azad Cavadovu da yola saldılar. Azad Cavadovun vəzifədən alınmasını Rüfət Aslanlıya xəbərdarlıq kimi yozanlar da oldu. Bunun nə dərəcə doğru olduğunu deyə bilmərəm, amma o vaxtdan aydın oldu ki, Rüfət Aslanlının Palatadakı hökmranlığı da uzun çəkməyəcək”.

R. Aslanlının başqa bir vəzifəyə təyinat alması da mümkün saılır: “Bu ölkədə elə adamlara vəzifə verilib ki, məncə, Rüfət Aslanlı bir çox parametrlərinə görə onların çoxundan üstün və qabiliyyətlidir. Lakin bunun 180 dərəcə əksinin olması da istisna deyil”.

Reyting.az

Gizli savaşın açıq tərəfi: Əli Həsənov hakim komandadakı rəqiblərini hədələyir, Rüfət Aslanlı isə...

Banklar boş karta necə borc yaza bilər? - Bankların “qəpik-quruş” hiyləsi

Xalqa qarşı açılan AYNA-lı: indi də bu qurumun əməkdaşları ağac dalında gizlənib...

Ukraynanın dəhşətli zərbəsi: rus general, 18 zabit, 500 əsgər...

Qazaxın icra başçısının dəlixanaya saldığı məmur danışdı

Müdafiə Nazirliyində 143 milyonluq yeyinti işi: generala 12 il 6 ay həbs tələbi

Almaniya ilə münasibətlərdə yeni gərginlik - XİN rəhbəri Bakıda nə deyib?

70 kq qızılla tutulan diplomat bu səfirlikdə işləyir- Bakıya gətirildi

Dilemma: Olum, ya ölüm? Pensiyaçı 285 manatla necə yaşasın?

Samux İcra Hakimiyyətinin tərkibində 600 min manatlıq qəribə “alış-veriş” – Kəlbətin, təkər, izolent, maşın yağı və s…

Gürcüstanda həbs edilən Rövşən İsgəndərovla bağlı yeni faktlar açıqlandı: kim ona üz tuturdusa.. - MÜRACİƏT

PENSİYALARA DAİR “HUMANİST MİNNƏT”... - Və ya “çox humanist” pensiya sistemimizdən pensiyaçılar niyə narazıdır?

“Zeytunluq”dakı yaşıllıqlar məhv olub gedir, sakinlər nazirliyə üz tutdu

“İydə”nin rəhbəri ölkədən nə qədər valyuta çıxıarıb?

Ramiz Mehdiyevə ŞOK İTTİHAMLAR - Sirləri açdı!

Muxtar Babayev balıqçılara "divan tutur": Ağzımızı açan kimi həbslə hədələyirlər...

Büdcəyə getməyən cərimə korrupsiyaya yem olurmu?

PUTİN QLOBAL MÜHARİBƏNİN BAŞLADIĞINI BƏYAN ETDİ - "Qətiyyətlə cavab verəcəyik!" + VİDEO

“Erməni separatçılarının başını əzsək də, Bakıdakı düşmənlərimizə əsir düşdük” - II Qarabağ müharibəsi qazisindən Mehiban Əliyevaya ŞOK MÜRACİƏT

Naxçıvan Səhiyyə Nazirliyində həbslər - Nazri Samiq Sadıxovun da həbs olunacağı gözlənilir İDDİA

“NAZİR İSLAHATLARIN NƏTİCƏSİNDƏN DANIŞIR, ANCAQ...” - Sabiq deputat sensasiyalı faktları açıqladı

General oğluna yüksək vəzifə verildi

“ƏRDOĞANIN PLANI UKRAYNAYA ORDU YERİTMƏKDİR” – “Putini məcbur edəcəklər”

“Prokurorluq nazirin cərimələrlə bağlı iddiasını araşdırmalıdır”

Böyük şəbəkələr necə "pambıqla baş kəsir"? - Araşdırma

Müştəri "Gilan"ın istehsal etdiyi "Natura" şirəsi almağına peşman oldu

Məmurlar varlanır, uşaqpulu 1 manat artırılır - Gələcəyin əsgəri üçün...

Rusiya azərbaycanlı iş adamının oğlunun qəzasından danışır — VİDEO

Ərdoğan: “Biz İsraillə münasibətləri tamamilə kəsdik”

OSMANOVUN VƏZİFƏSİ GƏNC GENERALA TAPŞIRILIB - Tanınmış şəxsin oğludur + FOTO

“Dırnaqları çəkilib, ağzı cırılıb, bud nahiyəsi deşik-deşik...“