13:48
İranın Fars əyalətinin Kazerun şəhərində rejimin yeni ərazi bölgüsü siyasətinə qarşı keçirilən dinc etirazlara hüquq-mühafizə orqanları və mülki geyimli təhlükəsizlik qüvvələri müdaxilə edib.
Axar.az xəbər verir ki, dinc etirazlara onminlərlə insanın qatıldığı bildirilir.
Etirazçıların İnqilab və Həmidi küçələrində sivil şəkildə keçirdiyi yürüşün polis və təhlükəsizlik qüvvələrinin hücumuna məruz qalmasından sonra aksiyaçılarla hökumət qüvvələri arasında qarşıdurma yaranıb. Nəticədə polisin açdığı atəş nəticəsində 3 etirazçı həlak olub, onlarla insan yaralanıb, 100-dən çox aksiyaçı tutularaq naməlum istiqamətə aparılıb.
Etirazçılar bir polis məntəqəsini və bir polis avtomobilini yandırıblar.
Hazırda Kazerunda vəziyyətin çox gərgin olduğu, şəhərin əsas küçə və meydanlarının polis nəzarətinə götürüldüyü və ətraf şəhərlərdən Kazeruna əlavə polis qüvvələrinin gətirildiyi deyilir.

[media=//www.youtube.com/watch?v=3t8uo06_sz4]

[media=//www.youtube.com/watch?v=mfXLLCdpx_g]