Sahil Babayev böyük güclərlə üz-üzə gəlib

Sahil Babayev böyük güclərlə üz-üzə gəlib

1-07-2018, 10:17

Yeni nazir işçi qrupun fəaliyyətinə xitam verərək TSEK-lərdəki yoxlamaları dayandırıb; Birinci vitse-spiker, baş nazirin müavini və digər vəzifəli şəxlərin qohumları ilə mübarizə müşkülə çevrilib

Üç aya yaxındır ki, Əmək və Əhalinin Sosial Müdafiəsi Nazirliyində müsbət mənada dəyişikliklər başlayıb. Səlim Müslümov nazir vəzifəsindən çıxarıldıqdan sonra onun yerinə təyin olunan Sahil Babayev sistemdə ciddi dönüş yaradacağını bəyan edir.

Yeni nazir öncə sələfi S. Müslümovun komandasını nazirlikdən uzaqlaşdırmağa başladı. Daha sonra məşğulluq, əlilliyin təyin olunması, reabilitasiya mərkəzləri və digər strukturlarda ciddi dəyişikliklərə zərurət olduğunu bildirərək yoxlamalara start verdi.

Heç kimə sirr deyil ki, cəmiyyətdə ən çox narazılıq yaradan və korrupsiya şəbəkəsinin olduğu yer əlilliyin təyinatı ilə bağlı sahədir. Belə ki, əlilliyin təyinatı prosesindəki problemlərlə bağlı yeni nazir xüsusi iclas keçirərək sərt addımların atılacağını bildirmişdi. Sahil Babayev nazirlik yanında Dövlət Tibbi-Sosial Ekspertiza və Reabilitasiya Xidmətində müşavirə keçirən zaman demişdi ki, əlillik təyinatlarının həyata keçirilməsində mövcud vəziyyəti qənaətbəxş hesab etmək olmaz:

“Əlilliyin qiymətləndirilməsi prosesi tam qanunvericilik çərçivəsində icra olunmalıdır. Kimin ki, qanunla əlillik qrupu almağa hüququ çatır, onların bu hüququ süründürməçiliyə yol verilmədən, onlarda narazılıq yaratmadan təmin edilməlidir. Digər tərəfdən, əlillik vəziyyətində olmayan şəxslərə bilərəkdən əsassız şəkildə əlillik qrupu təyin edilməsi hallarına yol verilməməlidir”. Belə hallara yol verən əməkdaşların aşkar edilərək heç bir güzəşt olmadan sərt şəkildə cəzalandırılacağını qeyd edən S.Babayev diqqətə çatdırıb ki, ümumilikdə saxta əlillik təyinatlarına yol verilməsi və əlilliyin təyin olunmasındakı süründürməçiliyin qarşısının alınması üçün sistemli tədbirlər görüləcək. Artıq nazirlikdə müvafiq işçi qrupu yaradılıb. Həmin işçi qrupu Səhiyyə Nazirliyinin müvafiq işçi qrupu ilə birgə müəyyən dövr üzrə əlillik təyinatları ilə bağlı araşdırmalar aparır. Bu araşdırmaların nəticələrinə uyğun ciddi tədbirlər görüləcək.

S. Babayev həmçinin, diqqətə çatdırıb ki, əlillərin reabilitasiya səviyyəsi demək olar ki, sıfıra enib.

Maraqlısı odur ki, əlillik təyinatı sahəsindəki nöqsanlar keçmiş nazir Səlim Müslümovun da təyinatdan sonra ilk tənqid etdiyi məsələdir. 2013-cü ildə - təyinatından bir ay sonra S. Müslümov bütün rayonların Tibbi-Sosial Ekspert komissiyaları (TSEK) sədrlərinin iştirakı ilə iclas keçirib. İclasda o, Bakının Xətai, Sumqayıt, Xaçmaz, İsmayıllı-Şamaxı-Qobustan, Ağcabədi-Ağdam, Mingəçevir-Yevlax, Samux-Goranboy-Naftalan, Daşkəsən-Göygöl, Qazax-Ağstafa, Cəlilabad-Biləsuvar, Masallı-Yardımlı, Saatlı-İmişli və Salyan-Neftçala regional TSEK rəhbərlərinin işdən azad olunduğunu bildirərək, onlardan iclası tərk etməyi tələb etmişdi. Lənkəran və Füzuli rayon TSEK-lərinin rəhbərləri isə işdən azad olunaraq həkim vəzifələrinə keçirilmişdi.

Düzdür, sonradan bəzi TSEK rəhbərləri yenidən öz vəzifələrinə bərpa olunmağı bacardılar. Lakin S. Müslümovun bu addımı hamıda əlilliyin təyinatı sahəsindəki biabırçılıqlara son qoyulacağına böyük ümidlər yaratmışdı. Xüsusilə Bakıda bir neçə həkimin əlillik təyinatı ilə bağlı rüşvət alarkən yaxalanmasından sonra əhali bu sahədə, nəhayət ki, rüşvətxorluğa son qoyulacağını gözləyirdi.

Maraqlısı odur ki, S. Müslümov o zaman 3 mindən çox şəxsi nazirlik sistemindən kənarlaşdırmışdı. Amma Sahil Babayev daha humanist davrandı. Bir neçə əsas fiqur “vurulandan” sonra proses səngidi.

Xatırladaq ki, Sahil Babayev məlum müşavirədən sonra 4 rayonun TSEK sədrini vəzifədən kənarlaşdırmışdı. Nazirin əmrinə əsasən, Dövlət Tibbi-Sosial Ekspertiza və Reabilitasiya Xidmətinin - Sabunçu rayon TSEK sədri Vahid İbrahimov, Qəbələ rayon TSEK sədri Eldar Abbasov, Ağcəbədi-Ağdam TSEK sədri Yaşasın Haqverdiyev və Nərimanov TSEK sədri vəzifədən uzaqlaşdırılmışdı.

“Reytinq”ə daxil olan məlumata görə, yeni nazirin TSEK-lərlə bağlı mübarizəsi uzun çəkməyib. Məlumatlı şəxs deyib ki, Sahil Babayevin “təmizləmə əməliyyatı” bütün sistemi əhatə edə bilməyib:

“Xatırlayırsınızsa, nazir son dövrlər kütləvi şəkildə əlliyin təyin olunma hallarının araşdırılması üçün işçi qrupu yaratmışdı. İşçi qrup bütün rayonlar üzrə TSEK-lərdə yoxlamaya başladı. Hətta ilkin araşdırmalar zamanı minlərlə əsassız əlillik təyinatı halları aşkarlandı. Amma artıq nazir bu iddiasından çəkilib. Yoxlamalar dayandırılıb, işçi qrupun fəaliyyətinə xitam verilib. Hələlik bununla bağlı rəsmi məlumat verilməsə də, bundan sonra hansısa yoxlama aparılmayacaq. Diqqət edirsinizsə, son bir həftədə nazirliyin bu sektorunda durğunluq hökm sürməkdədir. Hətta bir müddət əvvəl sistemə işlənilən “forma 88”-lərə müsbət cavab verilməsi ilə bağlı da tapşırıq verilib. Belə demək mükündürsə, Sahil Babayevin islahat kampaniyası başa çatıb”.

Mənbəmiz deyib ki, əlilliyin təyinatı müştərək həyata keçirilir: “Son uç ildə, yəni elektronlaşma sistemi tətbiq olunandan bəri səhiyyə müəssisələrinin prosesdə rolu artıb. Bu səbəbdən də sözügedən sahədə ciddi islahatlar aparmaq üçün Səhiyyə Nazirliyi də onay verməlidir. Amma yeni nazirin rəsmi və qeyri-rəsmi çağırışlarına baxmayaraq, Səhiyyə Nazirliyinin müvafiq qurumları birgə əməkdaşlıq etməyə meyl göstərmədilər. Bu səbəbdən də Sahil Babayev sistemi tam nəzarətinə almağa müvəffəq ola bilmədi. Ona görə də TSEK-lərdə “təmizləmə” tam nənasında baş tutmadı”.

Qeyd olunur ki, S.Babayevin TSEK-lərin tərkibini dəyişmək istəyinin baş tutmamasının başqa səbəbləri də var və nazir bir neçə TSEK sədrindən başqa digərlərini sistemdən uzaqlaşdıra bilməyib. “Son bir neçə ilə qədər əlilliyin təyinatı prosesində toplanan pullar Tibbi-Sosial Ekspert Komissiyasının sədrlərində cəmlənirdi. Ona görə də sıradan şəxslərin TSEK sədri olması mümkün deyil. Məsələn, araşdırsanız üzə çıxar ki, Tibbi-Sosial Ekspert Komissiyası sədrlərinin əksəriyyəti yüksək vəzifəli məmurların qohumlarıdır. Buna görə də, onların əksəriyyəti uzun illər korrupsiya şəbəkəsi quraraq “alverlərini” edə biliblər. Səlim Müslümov da belə məmurlarla münasibətini gərginləşdirmək istəmirdi və bu səbəbdən bəzi “hərəkətlərə” göz yummağa məcbur olurdu. Amma Sahil Babayev bir neçə həmlə edərək onların bəzilərini zərərsizləşdirə bildi. Öz himayədarına arxayın olan Sabunçu rayon TSEK sədri Vahid İbrahimov da “vuruldu”. V. İbrahimov Prezident Administrasiyasının mühüm fiqurlarından sayılan Əli Əsədovun yaxın qohumudur. Düzdür, Sahil Babayev onu işdən çıxarıb, amma yəqin ki, o da yaxın günlərdə yenidən sistemə qayıda biləcək”.

Məlumatda bildirilir ki, bu sistemdə yeni nazirin “vura” bilmədiyi şəxslər də var. Qeyd olunur ki, Nəsimi TSEK-in rəhbəri Əli Həsənov Milli Məclis sədrinin birinci müavini Ziyafət Əagərovun, Xətai TSEK-ın rəhbəri Əli Əsgərov isə baş nazirin sabiq müavini Abid Şərifovun qohumudur. “Əslində, TSEK-lərdə ciddi qayda-qanun yaratmaq üçün bütün sistemdə islahat aparılmalıdır. Amma görünən odur ki, belə qayda-qanun yaratmaq istəyi yeni nazirə baha başa gəlir. Təbii ki, Sahil Babayevin Ziyafət Əsgərov, Abid Şərifov və digər yüksək vəzifəli şəxslərlə üz-üzə gəlməsi o qədər də inandırıcı deyil. Yəqin nazir daha iri fiqurlarla qarşı-qarşıya gələməmək üçün çox dərinə gedə bilməyib”, - deyə mənbə fikrini tamamlayıb.

Digər xəbərlər

Banklar boş karta necə borc yaza bilər? - Bankların “qəpik-quruş” hiyləsi

Xalqa qarşı açılan AYNA-lı: indi də bu qurumun əməkdaşları ağac dalında gizlənib...

Ukraynanın dəhşətli zərbəsi: rus general, 18 zabit, 500 əsgər...

Qazaxın icra başçısının dəlixanaya saldığı məmur danışdı

Müdafiə Nazirliyində 143 milyonluq yeyinti işi: generala 12 il 6 ay həbs tələbi

Almaniya ilə münasibətlərdə yeni gərginlik - XİN rəhbəri Bakıda nə deyib?

70 kq qızılla tutulan diplomat bu səfirlikdə işləyir- Bakıya gətirildi

Dilemma: Olum, ya ölüm? Pensiyaçı 285 manatla necə yaşasın?

Samux İcra Hakimiyyətinin tərkibində 600 min manatlıq qəribə “alış-veriş” – Kəlbətin, təkər, izolent, maşın yağı və s…

Gürcüstanda həbs edilən Rövşən İsgəndərovla bağlı yeni faktlar açıqlandı: kim ona üz tuturdusa.. - MÜRACİƏT

PENSİYALARA DAİR “HUMANİST MİNNƏT”... - Və ya “çox humanist” pensiya sistemimizdən pensiyaçılar niyə narazıdır?

“Zeytunluq”dakı yaşıllıqlar məhv olub gedir, sakinlər nazirliyə üz tutdu

“İydə”nin rəhbəri ölkədən nə qədər valyuta çıxıarıb?

Ramiz Mehdiyevə ŞOK İTTİHAMLAR - Sirləri açdı!

Muxtar Babayev balıqçılara "divan tutur": Ağzımızı açan kimi həbslə hədələyirlər...

Büdcəyə getməyən cərimə korrupsiyaya yem olurmu?

PUTİN QLOBAL MÜHARİBƏNİN BAŞLADIĞINI BƏYAN ETDİ - "Qətiyyətlə cavab verəcəyik!" + VİDEO

“Erməni separatçılarının başını əzsək də, Bakıdakı düşmənlərimizə əsir düşdük” - II Qarabağ müharibəsi qazisindən Mehiban Əliyevaya ŞOK MÜRACİƏT

Naxçıvan Səhiyyə Nazirliyində həbslər - Nazri Samiq Sadıxovun da həbs olunacağı gözlənilir İDDİA

“NAZİR İSLAHATLARIN NƏTİCƏSİNDƏN DANIŞIR, ANCAQ...” - Sabiq deputat sensasiyalı faktları açıqladı

General oğluna yüksək vəzifə verildi

“ƏRDOĞANIN PLANI UKRAYNAYA ORDU YERİTMƏKDİR” – “Putini məcbur edəcəklər”

“Prokurorluq nazirin cərimələrlə bağlı iddiasını araşdırmalıdır”

Böyük şəbəkələr necə "pambıqla baş kəsir"? - Araşdırma

Müştəri "Gilan"ın istehsal etdiyi "Natura" şirəsi almağına peşman oldu

Məmurlar varlanır, uşaqpulu 1 manat artırılır - Gələcəyin əsgəri üçün...

Rusiya azərbaycanlı iş adamının oğlunun qəzasından danışır — VİDEO

Ərdoğan: “Biz İsraillə münasibətləri tamamilə kəsdik”

OSMANOVUN VƏZİFƏSİ GƏNC GENERALA TAPŞIRILIB - Tanınmış şəxsin oğludur + FOTO

“Dırnaqları çəkilib, ağzı cırılıb, bud nahiyəsi deşik-deşik...“