Azərbaycan Rusiyanın Ermənistanı sülhə məcbur etməsini gözləyir.
Bu sözləri Axar.az-a açıqlamasında millət vəkili Asim Mollazadə deyib. Deputat son zamanlar Moskvanın İrəvanla münasibətlərinin pisləşməsinə toxunub:
“Ermənistan müstəqil dövlət deyil və yenə də bütün məsələlərdə Rusiyadan asılı vəziyyətdədir. Ancaq Rusiya-Azərbaycan münasibətləri müsbət istiqamətində inkişaf etdiyindən Moskvanın Dağlıq Qarabağ məsələsinin həllində müəyyən addımlar atacağına ümidvarıq. Əgər Rusiya səmimi olaraq münaqişənin həllində nəsə etmək istəyirsə, ilk növbədə Ermənistanı sülhə məcbur etməlidir. Azərbaycan hər zaman olduğu kimi yenə də münaqişənin sülh yolu ilə həllində maraqlıdır və o üzdən Rusiyanın Ermənistanı sülhə məcbur etməsini gözləyir. Rusiyadan çox şey asılıdır”, - deputat bildirib.