Facebook üzr istədi

Sosial şəbəkəyə dəyən ziyanın məbləği müəyyənləşib

Bir neçə gün əvvəl "Facebook" sosial şəbəkəsində yaranan bir neçə dəqiqəlik problem şirkətə 500 min dollara başa gəlib.

ANS PRESS-in məlumatına görə, "Forbes" jurnalı hesablama nəticəsində ziyanın dəqiq məbləğini müəyyənləşdirib.

Qeyd edək ki, "Facebook" 19 iyunda saat 13:00-da çökmüşdü. "Facebook"un ümumi auditoriyası 1,3 milyard insandır. Sosial şəbəkəyə gündəlik 800 milyon insan daxil olur.

"Texniki problem səbəbindən istifadəçilər qısa zaman ərzində sosial şəbəkəyə daxil ola bilmədilər. Biz qısa zaman ərzində problemi aradan qaldırdıq. Narahatlığa görə hər kəsdən üzr istəyirik", - deyə "Facebook"un mətbuat xidmətindən bildiriblib.