Yaxın günlərdə Amerika səfirliyinin qarşısında keçirilən etiraz aksiyasında ölkənin problemlərindən yana-yana danışan bu vətəndaşın çıxışı da əsl mitinq çağırışıdır. “Xalqın dərdini demək lazımdır. Millətdən danışmaq lazımdır. Bunlar xalqın deputatlarıdır guya, mən utanıram o deputatların yerinə. Özlərinə maaş artımı istəyirlər. “Bizim pulumuz azdır, əməkhaqqımız azdır” deyirlər. Ayıbdır, sadəcə, ayıb. Ordakılar millət vəkili deyil, millət vəkili ayrı cür olur. Sən özündən niyə danışırsan, millətin vəkilisənsə, millətdən danış. Bir dəfə də vətəndaşın dərdindən danış. Bir dəfə də de ki, vətəndaşın maddi rifahını yaxşılaşdırın. Onda sizə deyərəm deputat, deyərəm ziyalı. Xalqa da təzyiq göstərmək lazım deyil, təzyiqlə hakimiyyəti qorumaq mümkün deyil. Dövlətimiz əsirlikdədir.”

Xalqın içindən çıxmış bir insan deyir bunları. Sadə vətəndaş deyir ki, ay millət, ayılın dövlət əsirlikdədir. Ayılmaq zamanıdır, bəli. Yatdıqca, bata-bata gedəcəyik.