Bakıda Beynəlxalq Onkoginekologiya Konfransı keçirilib - VİDEO+FOTOLAR

Bakıda Beynəlxalq Onkoginekologiya Konfransı keçirilib - VİDEO+FOTOLAR

26-11-2019, 21:31

Noyabrın 26-da Azərbaycan Səhiyyə Nazirliyinin Milli Onkologiya Mərkəzində (MOM) Beynəlxalq Onkoginekologiya Konfransı keçirilib.

Konfransda Türkiyə, Rusiya və Polşadan olan onkoginekoloji xəstəliklər üzrə mütəxəssislər, həmçinin respublikamızın müxtəlif tibbi qurumlarının həkim və mütəxəssisləri iştirak ediblər.

Beynəlxalq konfransı giriş sözü ilə Milli Onkologiya Mərkəzinin baş direktoru, akademik Cəmil Əliyev açıb. O, Milli Onkologiya Mərkəzi və onun onkoginekologiya şöbəsində görülən işlər, müxtəlif elmi tədqiqat və praktik fəaliyyət sahəsində əldə edilən nailiyyətlər barədə iştirakçılara qısa məlumat verib, konfransın işinə uğurlar arzulayıb. Akademik Cəmil Əliyev onkologiya sahəsində beynəlxalq əməkdaşlıq və tərəfdaşlıq əlaqələrinin inkişafındaki yüksək səmərəli fəaliyyətlərinə görə Türkiyə Ginekologiya və Mamalıq Cəmiyyətinin prezidenti, İstanbul Mədəniyyət Universiteti ginekologiya və mamalıq şöbəsinin rəhbəri, professor Ateş Karatekə, Rusiya Federasiyası Genital Neoplagiya Assosiasiyasının vitse-prezidenti, professor, tibb elmləri doktoru, professor Svetlana Roqovskayaya, Avropa Ginekoloji Onkologiya Cəmiyyətinin nümayəndəsi, Polşanın Bialistok Tibb Universiteti ginekologiya və ginekoloji onkologiya şöbəsinin rəhbəri, tibb elmləri doktoru Pavel Knappa, Türkiyənin Giresun Universiteti ginekologiya və mamalıq kafedrasının dosenti Məlahət Ataseverə təşəkkür diplomları təqdim edib.

Avropa Ginekoloji Onkologiya Cəmiyyəti (ESGO) tərəfindən dəstəklənən konfransın açılışında ESGO-nun prezidenti, Bordonun Bergoniye İnstitutunun Xərçəng Mərkəzinin (Fransa) professoru Denis Querleu iştirakçılara video vasitəsilə müraciət edib, konfransın iştirakçılarına səmərəli iş arzulayıb.

Tədbirdə çıxış edən Rusiya Federasiyası Genital Neoplagiya Assosiasiyasının vitse-prezidenti, professor, tibb elmləri doktoru, professor Svetlana Roqovskaya Milli Onkologiya Mərkəzinin təkcə Azərbaycan əhalisinə deyil, region ölkələrinin əhalisinə də ixtisaslaşmış onkoloji yardım göstərilməsi istiqamətində elmi-metodiki və profilaktik işləri əlaqələndirən aparıcı müəssisə olduğunu diqqətə çatdırıb. Svetlana Roqovskaya akademik Cəmil Əliyevə Milli Onkologiya Mərkəzinin Azərbaycanda göstərdiyi çoxillik səmərəli fəaliyyətinə və onkologiya sahəsində bütün dünyada qəbul olunmuş yüksək elmi-praktik nailiyyətlərinə görə beynəlxalq qurum adından təşəkkür diplomunu təqdim edib.

Öz çıxışlarında Elmi-Tədqiqat Mamalıq və Ginekologiya İnstitutunun direktoru Cəmilə Qurbanova və Səhiyyə Nazirliyinin baş mama-ginekoloqu, Respublika Perinatal Mərkəzinin direktoru Sevinc Məmmədova qeyd ediblər ki, hazırda bütün onkoloji xəstəliklərin, o cümlədən uşaqlıq boynu xərçənginin erkən aşkar edilməsi və müalicəsi müasir tibbin qarşısında duran əsas istiqamətlərdən biridir. Bildirilib ki, xərçəng xəstəliyi bəşəriyyətin böyük bəlasıdır və hər il dünyada 7 milyona yaxın insan bu xəstəlikdən həyatını itirir. Diqqətə çatdırılıb ki, xərçəng xəstəliyi hər zaman aktual olub, bu gün də bu aktuallıq azalmayıb. Bu, elə bir xəstəlikdir ki, yaşından, milliyyətindən asılı olmayaraq hər kəsdə rast gəlinə bilər.

Uzun müddətdir ki, xərçəngdən əziyyət çəkən respublikanın əməkdar artisti Tünzalə Əliyeva cərrahiyyə əməliyyatının uğurla keçdiyinə görə MOM-un baş direktoru, akademik Cəmil Əliyevə və əməliyyat edən həkimlərə təşəkkürünü bildirib.

Konfransda Türkiyə Ginekologiya və Mamalıq Cəmiyyətinin prezidenti, İstanbul Mədəniyyət Universiteti ginekologiya və mamalıq şöbəsinin rəhbəri, professor Ateş Karateke “Uşaqlıq boynu xərçənginin erkən mərhələsinin müalicə taktikası” mövzusunda, Rusiya Federasiyası Genital Neoplagiya Assosiasiyasının vitse-prezidenti, professor, tibb elmləri doktoru, professor Svetlana Roqovskaya - “İnsan papilloma virusu: müasir yanaşma”, Avropa Ginekoloji Onkologiya Cəmiyyətinin nümayəndəsi, Polşanın Bialistok Tibb Universiteti ginekologiya və ginekoloji onkologiya şöbəsinin rəhbəri, tibb elmləri doktoru Pavel Knapp - “Avropa Ginekoloji Onkologiya Cəmiyyətinin (ESGO) uşaqlıq boynu xərçənginin diaqnostika və müalicəsində təklif etdiyi standartlar”, Türkiyənin Giresun Universiteti ginekologiya və mamalıq kafedrasının dosenti Məlahət Atasever “Hamiləlik zamanı uşaqlıq boynu xərçənginə yanaşma”, Azərbaycan Milli Onkologiya Mərkəzinin onkoginekologiya şöbəsinin rəhbəri Şəmistan Alıyev “Milli Onkologiya Mərkəzində uşaqlıq boynu xərçənginin müalicə təcrübəsi” və digər mütəxəssislər onkoginekoloji xəstəlikləri əhatə edən təqdimatlarla çıxış ediblər.

Tədbir Azərbaycan Respublikası Elmi-Tibbi Şura tərəfindən akkreditasiyadan keçib və 10 kredit vahidi verilib. Konfransın sonunda iştirakçılara sertifikatlar təqdim olunub.

Qeyd edək ki, noyabrın 27-də Milli Onkologiya Mərkəzində “Beynəlxalq Onkoginekologiya Konfransı 2019” çərçivəsində mütəxəssislərin iştirakı ilə “Uşaqlıq boynu xərçənginin diaqnostika və müalicəsinə müasir yanaşma” mövzusunda dəyirmi masa keçiriləcək, onkoginekologiya üzrə müxtəlif müzakirələr aparılacaq. (AZƏRTAC)

Digər xəbərlər

Bakıda Beynəlxalq Onkoginekologiya Konfransı keçirilib - VİDEO+FOTOLAR

Noyabrın 26-da Azərbaycan Səhiyyə Nazirliyinin Milli Onkologiya Mərkəzində (MOM) Beynəlxalq Onkoginekologiya Konfransı keçirilib.

Banklar boş karta necə borc yaza bilər? - Bankların “qəpik-quruş” hiyləsi

Xalqa qarşı açılan AYNA-lı: indi də bu qurumun əməkdaşları ağac dalında gizlənib...

Ukraynanın dəhşətli zərbəsi: rus general, 18 zabit, 500 əsgər...

Qazaxın icra başçısının dəlixanaya saldığı məmur danışdı

Müdafiə Nazirliyində 143 milyonluq yeyinti işi: generala 12 il 6 ay həbs tələbi

Almaniya ilə münasibətlərdə yeni gərginlik - XİN rəhbəri Bakıda nə deyib?

70 kq qızılla tutulan diplomat bu səfirlikdə işləyir- Bakıya gətirildi

Dilemma: Olum, ya ölüm? Pensiyaçı 285 manatla necə yaşasın?

Samux İcra Hakimiyyətinin tərkibində 600 min manatlıq qəribə “alış-veriş” – Kəlbətin, təkər, izolent, maşın yağı və s…

Gürcüstanda həbs edilən Rövşən İsgəndərovla bağlı yeni faktlar açıqlandı: kim ona üz tuturdusa.. - MÜRACİƏT

PENSİYALARA DAİR “HUMANİST MİNNƏT”... - Və ya “çox humanist” pensiya sistemimizdən pensiyaçılar niyə narazıdır?

“Zeytunluq”dakı yaşıllıqlar məhv olub gedir, sakinlər nazirliyə üz tutdu

“İydə”nin rəhbəri ölkədən nə qədər valyuta çıxıarıb?

Ramiz Mehdiyevə ŞOK İTTİHAMLAR - Sirləri açdı!

Muxtar Babayev balıqçılara "divan tutur": Ağzımızı açan kimi həbslə hədələyirlər...

Büdcəyə getməyən cərimə korrupsiyaya yem olurmu?

PUTİN QLOBAL MÜHARİBƏNİN BAŞLADIĞINI BƏYAN ETDİ - "Qətiyyətlə cavab verəcəyik!" + VİDEO

“Erməni separatçılarının başını əzsək də, Bakıdakı düşmənlərimizə əsir düşdük” - II Qarabağ müharibəsi qazisindən Mehiban Əliyevaya ŞOK MÜRACİƏT

Naxçıvan Səhiyyə Nazirliyində həbslər - Nazri Samiq Sadıxovun da həbs olunacağı gözlənilir İDDİA

“NAZİR İSLAHATLARIN NƏTİCƏSİNDƏN DANIŞIR, ANCAQ...” - Sabiq deputat sensasiyalı faktları açıqladı

General oğluna yüksək vəzifə verildi

“ƏRDOĞANIN PLANI UKRAYNAYA ORDU YERİTMƏKDİR” – “Putini məcbur edəcəklər”

“Prokurorluq nazirin cərimələrlə bağlı iddiasını araşdırmalıdır”

Böyük şəbəkələr necə "pambıqla baş kəsir"? - Araşdırma

Müştəri "Gilan"ın istehsal etdiyi "Natura" şirəsi almağına peşman oldu

Məmurlar varlanır, uşaqpulu 1 manat artırılır - Gələcəyin əsgəri üçün...

Rusiya azərbaycanlı iş adamının oğlunun qəzasından danışır — VİDEO

Ərdoğan: “Biz İsraillə münasibətləri tamamilə kəsdik”

OSMANOVUN VƏZİFƏSİ GƏNC GENERALA TAPŞIRILIB - Tanınmış şəxsin oğludur + FOTO

“Dırnaqları çəkilib, ağzı cırılıb, bud nahiyəsi deşik-deşik...“